Hongkong ah tlawngta pawl thihnak tam sinsin

Hongkong ah tlawngta pawl thihnak tam sinsin: University of Hongkong ih sociologist pakhat Paul Yip cun kum 30 sungah Hongkong ih tlawngta pawl anmah le anmah an thah awknak (suicide) cu nasazet in a tam sinsin ih, hminsinnak cazin ahcun rocket vekin a kai so tiah a ti.

Paul Yip cun, ‘Hongkong ih tlawngta pawl cun (phunsang tlawngta khal telin) exam ding ni a kim hlan ah, nu le pa pawlin an tukforhnak ah siseh, an ca siar ding an buaipinak ah siseh, lenglam ihsin nunau le mipa uar awknak thubuai le phurrit a phunphun, saya le hotu pawlin khatlam le khatlam ihsin an nawt tuk ruangah tlawng inn sung (compound sung) ah anmah le anmah cu thinbangzet in an that aw mai theu tiah a ti.

Hongkong ahhin kum khat ah tlawngta 900 ihsin 1000 tiang mah le mah that aw an um ringring ti a si. – dpa

Mirang cangan sual ruangah sumpai ngah: Kan dung April 25, 2010 ah Australia ih rawl dawr pakhat ahcun mit-caw (blind-man) pakhat a lut ih, amah hruaitu uico cun mirang ca ih nganmi ‘Gay Dog’ timi ca cu a orh. Cuih cangan cu dawr ih hnatuantu cun a siar tikah, uico khal ‘Gay’ (mipa si cingin mipa dang uartu) a sinak tiang puarthauzet ih ngan ngamtu tiah cuih uico le a neitu mit-caw pa cu a dawi suak.

Asinan mit-caw pa cun palik a sim ih, palik pawlin an zingzawi tikah uico neitu cu mit caw ngaingai a si ih, amah hruaitu uico cu ‘Guide Dog’ (lamhruaitu uico) ti’n ngan a tum na’n, mirang ca ngan a thiam lo ruangah ‘Gay Dog’ ti’n a nganmi a rak si ti an thei suak. Himi thubuai ruangah rawl dawr neitu (Thai Food) Hong Hua Thi To le Anh Hong Hoa cun mit-caw pa Ian Jolly (kum 57) cu mit-caw pawl siar theimi ‘ca-ngan’ thawn ngaidamnak ca an pe ih, Australia dollar 1,500 an kuan a si. – dpa

Comments

comments

Comments

%d bloggers like this: