Hnihsuak Thu A Si Lo

November 14

Nipi Ni

Hnihsuak Thu A Si Lo

Siar:

Filipi 1:12-20

Zovek khal Khrih thawn a pehzom awknak in Pathian duhzawng ih nun a tumtu cu hremnak a tong ko ding.    2 Tim. 3:12

Kumkhat Sung Baibal:

–   Ttah Hla 3-5

–   Hebru 10:19-39

Ka nupi thawn dawr tumpi pakhat sungah T-shirt angki lei dingin kan hril rerolai ah T-Shirt pakhat parih hnihsuahsainak ca an ngan ka hmuhmi cu, “Khristian an tam, kiosa(chintit) an mal,” ti a si. Kum zabu pakhatnak ih Khristian pawl kiosa rawl ah an pek ttheumi a sim duhmi a si ih hnihsuakza a si hrimhrim lo.

Hremnak hi hnihsuah thu a si lo. Khristian pawl Rom khua ih zoh nuam zohnak innpi ah raapthlakzet thahnak an tuar hlan ah Paul in, “Pathian duhzawng ih nun a tumtu cu hremnak a tong ko ding,” (2 Tim. 3:12) tiah cakuat a ngan. Hremnak cu hrial theih lomi le zumtu zate hrangah a thupizetmi a si. Atu khal ah leitlun hmun dangdang ah Khrih ih kan u le kan nau pawl cu an zumnak ruangah Jesuh hmin in harsatnak an tuar rero.

Ziang si kan tuah theimi um ding? Pakhatnak ah, an harsatnak ah Pathian ih hnemnak kan dil sak ding. Pahnihnak ah, thawng a tla mi pawl ih bawmtu nei lo an innsang pawl kan bawm ding. Pathumnak ah, an tonmi hremnak raaltthazet ih tuar ngamnak ding kan dil ding. Paul cu a zumnak ruangih thawng an thlak tikah a raaltthatnak in midang pawl raalttha sinsin ih tettikhan thei dingah a hruai thei a si (Filipi 1:14).

Hremnak a tuartu kawhhran thapek na duh maw? Thlacam sak aw. An harsat tuarnak thuthang cu phuang aw.   – Bill Crowder

Khrih ih Kawhhran cu siatbal theih a si lo,

Raal tampi in do hman hngai sehla;

Hremnak a thlen tinten,

Kawhhran a parh ih a karhzai. – Sper

Pathian hmai ih khuk kan bil tikah,

Ding hnget dingin raaltthatnak kan ngah.

(Visited 23 times, 1 visits today)

Comments

comments

Comments

%d bloggers like this: