Hngilhzomi Hnattuantu

September 26

Nipi Ni

Hngilhzomi Hnattuantu

Siar:

Hebru 6: 9-20

Pathian in mi a thleidang lo. Nan hnattuanmi siseh, Pathian nan duhdawtnak langter tahrat in nan khristian rualpi nan rak bomnak le atu khal ah nan bom reronak pawl hi siseh, Pathian in a ciing ringring ding.     – Hebru 6:10

Kumkhat Sung Baibal:

–   Isaiah 1-2

–    Galati 5

Lung khaampi pakhat parah American President hlun pawl ih lu zuk tumpipi in an suainak South Dakota ram tthen ih Mount Rushmore cu leitlun minung tampi in an thei. Sikhalsehla hih thil maksak cangsuak dingin a ruat suak ih a tuahnak a rak hohatu santhuanthu saya Doane Robinson ih thu cu mi malte lawngin an thei. Ram hrang ih hminsin tlak hih thil cu uar le lawmh asinan Robinson cu a tuahmi thil dunglam ah hngilh mi a rak si. A hmin cu zohman ih theih mi a si lo.

A caancaan cu Bawipa ih hna kan ttuannak ah zohman ih theih lo mi le hngilh mi vekin kan ruah awk caan a um ko ding. Pathian hnattuan timi cu Jesuh Khrih hmin in kan renmi pawl hnen in lungawi lomnak co loin nun sung hmuahhmuah tha neih hmuah suah ih ttuanmi a si thei men.

Sihmansehla minung in an thei lo nain Pathian in a thei. Hebru 6:10 ah, “Pathian in mi a thleidang lo. Nan hnattuanmi siseh, Pathian nan duhdawtnak langter tahrat in nan khristian rualpi nan rak bomnak le atu khal ah nan bom reronak pawl hi siseh, Pathian in a ciing ringring ding,” a ti.

Ziangtluk ih ttha thukam so a si? Van ih kan Pa in Amah kan rennak a hngilh lo. Cumi cu mi ih lawmh co hnakin a thupi sawn a si.   – Bill Crowder

Hnattuan dingih kawh na sinak hmun hi,

A fatetukmi le hminthang lo hmun a si maw?

Cutawk ah Pathian a um asile hmun thupi a si,

Amai’ taa a simi cu a hngilh dah lo ding.   – Suffield

Khrih lungawi dingih riantu ttha si cu,

mipi ih lawmh co hnakin a tum sawnmi ttuanman a si.

Comments

comments

Comments

%d bloggers like this: