Hngilh Lonak

April 11

Nipi Ni 

Hngilh Lonak 

Siar:

1 Korin. 11:23-30 

A tican cu hih sang nan ei tinte le hih khuat-hai nan in tinte Bawipa a rakir lai hlan lo a thihnak thu nan phuang tinak a si.  -1 Korin. 11:26 

Kumkhat Sung Baibal:

–   1 Samuel 17-18

–    Luka 11:1-28

 India ram ih Taj Mahal cu a ropizetmi Thlaan inn pi a si. Marble lungto raang lawngin a zate’n sakmi a si ih siangpahrang bawipa Shah Jehan in, rin lopi ih a thimi a nupi ciinken ringringnak dingih a saktermi a si. Kum 22 sung rori an sak. Himi siangpahrang bawipa ih a duhzetmi a nupi hngilh lonak ih a sakmi thlaan inn pi cu kumtin leitlun khualtlawng thawng tampi ih leennak hmun a si.

           Jerusalem khua khal ah kumtin minung thawng tampi cu Jesuh phumnak thlaan a si hmang an timi hmun pakhat zoh dingah an feh. Ziangvek thlaan sungah Jesuh cu um hmansehla Amah cu ni malte sung lawng a um. Kum 2000 sung thlaan cu a lawng in a um.

           Jesuh in Amah hngilh lonak ah lungphun tuah dingin in duh sak lo. Cu ai-ah, Bawipa Zaariah in pek. Jesuh cu an zuar zaan ah sang le khuat-hai a laak ih a Pa hnenih lungawithu a sim hnu ah a dungthluntu pawl a pek (Luka 22:14-21). Biakinn sungih kan hman tinten a hmaisa ah kan mahte cekfel aw ding kan si, “Hih sang a ei hlan le hi hai a in hlanah amah le mah cek-aw ta seh” (1Kor. 11:28). Bawipa Zaanriah kan hmannak cu Bawipa a ra kirlai hlan lo A thihnak thu kan phuang tinak a si” (cc. 25-26).

           Bawipa in Amai’ tuah cia kumkhua daih ciin ringring ding in pek a si. – C.P.Hia

 Sangreu, sabit ka laak ding Bawipa,

 Sunglawi Na duhdawtnak can-ai ah;

A thar in Na hnenah ka pum ka pe,

Ka nunnak, ka sinak zate Na taa.  -Anon

 Khrih ih in taantami Amah hngilh lonak – Bawipa Zaanriah

(Visited 26 times, 1 visits today)

Comments

comments

Comments

%d bloggers like this: