Hngilh Hlah

May 13

Tlawngkai Nili

Hngilh  Hlah

Siar:

Daan.  24:17-22

Milian pawl kha thil ttha tuah dingah le hnattuan tthatnak ah milian si sawn dingah le tirhsiang mi an si ih an neihmi kha midang hlawm siang dingah raalrinnak pe aw.   -1 Timote 6:18

Kumkhat Sung Baibal:

–   2 Siangpahrang 17-18

–   Johan 3:19-36

Hnattuan dingin zingte ih ka pawh zikah ka nupi in, “Himi pawl tuah ding hngilh hlah aw maw,” i ti ttheu. Sun ah telephone in, “Na hngilh maw?” tiah i sut ttheu.

Kan zate in thu hngilh ttheu mi kan si. Curuangah a si ding ka zum, Pathian in a thupimi thudik pawl nolh in in sim. Daanpeksaalnak 24:18, 22 ah veihnih rori Pathian in Israel pawl kha sal an taannak le Izipt ram ihsin a suah kha hngilh lo dingin a sim hngai.

Israel pawl cu ruunsuah mi an si ruangah Pathian in ciingmangter hngai a duhmi ciingmang dingin ttuanvo an nei. Moses in, “Hih Daan hi ka lo pek,” a ti. Ziangmi daanbik so a si? Ramdang mi, nulepa nei lo farah le nuhmei pawl fingkhawi ding a si (c.19). Lo ih thlairawl veikhat laak hnu ah a taangmi faanglep tete cu an hrangah taanta ding a si thu cc. 20, 21 nak ah a nolh saal.

Kannih khal Jesuh Khrih thinglamtah parih a thihnak le a thawhsaalnak in rundam mi kan si. Vei tampi a ttul a sammi pawl kan thilri hlawm ve dingin sim mi kan si ve. Hebrew 13:16 ah, “Pakhat le pakhat bawm awk le tthatnak tuah ton awk hngilh hlah uh, ziangahtile cumi cu Pathian lungawitertu raithawinak a si,” in ti.   – Albert Lee

Zoh le siar bet ding:

A tanglam ih Bible cang hril pawl siar awla,

na nunnak ah ziangti’n na hmang ding ti relcat aw.

– Rom. 12:1-13, 1Kor. 12: 1-11. 2 Kor. 9:6-8; Titus 3:14

Na diriamter awla na lungkimnak midang hlawm ve aw.

(Visited 25 times, 1 visits today)

Comments

comments

Comments

%d bloggers like this: