Hngauhsannak Langternak

October 26

Tlawngkai Nihnih

Hngauhsannak Langternak

Siar:

John 15:1-8

Keimah tel lo cun zianghman nan tuah theimi a um lo. John 15:5

Kumkhat Sung Baibal:

–   Jeremiah 9-11

–    1 Timote 6

Nauhak pawl anmahte hnipuan hruk, haa-tthuah, kedam hri sih, thirleng to le  tlawng an feh thei tikah upa pawl an lung a awi in an lawm ttheu.

Upa pawl cu kanmah duhvek ih um kan duh, kan inn ah kan um, kanmai’ thu in kan nung, midang ih bomnak kan ring lo. Rin lopi ih harnak kan ton tikah mahte rinsan aw dingin cabu kan siar. Culai ah kan thinlung Pathian pan duhnak sangka kan phit ih kanmah ih a dik a hman ti ih kan ruahmi kan thlun. Curuangah Jesuh in A dungthluntu pawl hnenah, “Keimah tel loin zianghman tuah theimi nan nei lo,” tiah a sim (John 15:5).

A taktak ahcun thil dang thawn kan pehtlaih awknak pawl ih a laifang ah thil hmuahhmuah kaikhawmtu Pathian thawn kan um. Norway mi Bible thiam theologian Ole Hallesby in,  “Pathian ih cohlanmi thlacamnak cu Bawmtu nei lo thinlung thawn thlacam a si. Bawmtu nei lo pawl lawngin a taktak in thla a cam thei,” a ti.

Nu le pa tampi an faate pawl in an hngauhsan nawn lo tikah an thin a naa. Anmah te rinsan aw in harhdam le tthangso ih an um hmanah nu le pa cun an hngauhsan mi si an duh. Pathian le nu le pa cu an bang aw lo. Pathian ttul loin kan um thei lo ih ttul lo timi ruahnak kan thlun ahcun kanmah le kanmah kan bum aw a si. Thlacam timi cu Bawipa, Nangmah loin kan cang thei lo, Nangmah lawng kan lo rinsan tiih kan aunak aw a si.    –Philip Yancey

Buainak hmuahhmuah Amah pek aw,

Na ttulmi hmuahhmuah Amah hnenah sim;

Nitin na thilrit Amah hnenah keng,

Nangmah lawngin phur hlah. – Adams

Na nunnak zate’n Pathian hngauhsan in

thlacam awla na hlawhtling ding.

Comments

comments

Comments

%d bloggers like this: