Hngak

Hngak

Siar:

Saam 70

Maw Bawipa, atu ah in bawm aw. – Saam 70:1

Kumkhat Sung Baibal:

Ezekiel 28-30
Thufim 14:12-24

“Maw Bawipa, atu ah i bawm aw,” ti’n Saam cangantu David in thla a cam (Saam 70:1). David vek kan si, hngak kan paih lo. Bank ih paisa suahnak ah artlang dingih hngah kan paih lo. Mawttaw ding reituk le rawl dawr ih hngak rero khal kan paih lo.

Cu hnakih a harsami hngak ttulmi tampi a um. Fa nei thei lo nupa la pawl in nau neih ding an hngak; innsang nei lo fala tlangval pawl in innsang neih ding an hngak; thawngtla pawl in thawnginn ihsin suah ding an hngak; nupi le pasal in awka neem te an hngak, minaa in siibawi ih zingbolh le tuamhlawm an hngak.
Kan hngakmi thil dang hmuahhmuah hnakin kan hngak rero mi Pathian ih tuah lai dingmi a thupi sawn. Ngah harzetmi thlaraulam tthatnak, nunneemnak, thinsaunak pawl cu kan hngaklai ah kan sungah um thei dingin Pathian in a ttuan rero. A thupi sinsin hrih mi cu Pathian lawng rinsan ringring dingah A hnenih tthum awk ding hi a si. “Amai’ sungah lungawi in thin nuam uh” a ti (c.4).
F.B Meyer in, “Pathian ih cangvaih daan a tlai ttheu hi ziang hrangah si pei? Milai thinlung fimter ding le tuah tthat ding hi Pathian ih thuthup a si. Kan thlarau tundinnak ah hih thil pawl hmuahhmuah cu helhkamzet ih kan hngahnak thawn pehpar awmi an si. Kan thlarau nun a thupitnak a si.”

Thindai te’n cawl aw, ka fa, keimah Pathian ka si thei aw,

Thinsau te’n hngak aw, na lamzin zawhmi ka thei;

Ttih hlah, phaang hlah, tlan hlah, relh tum hlah,

Na ruahsannak le thazaang cu keimah ka si, na kiang in ka lo hngak.

Pathian in kan thlarau thacakter dingin kan thin saunak a pharh.

Comments

comments

Comments

%d bloggers like this: