Hnawmbawm Thianfai Aw

March 14 Zarhte Ni

Hnawmbawm  Thianfai  Aw

 Siar: 1Korin 6:12-20

    Nan ruangpum cu Thlarau Thianghlim biakinn a si ti nan thei lo maw? Cuih Thlarau cu nan sungah a um ih Pathian ih pekmi a si. Nannih cu nanmah ih taa nan si lo, Pathian taa nan si.         -1Korin 6:19

Kumkhat Sung Baibal:

   Daan. 23-25    Mark 14:1-26

 Ka mawttaw retnak inn cu innsung ih ret ttha lo thilsia pawl retnak ah ka hmang. Cuih thil hnok pawl mi hmuhter ka duh lo ih a on ding ka ning a zak ttheu.  Curuangah a caancaan ah ka thianfai ttheu.

           

Kan thinlung le ruahnak khal cuvek in thilhnok tampi an khawl aw.  Pathian misa lo thuruahnak le nunzia a simi mah thuthu ih nun duhnak, zalen duhtuknak, in tisiatu pawl lehrul duhnak in kan thinlung cu a thiangfai nawn lo. Cumi thinlung hnok cu thup a thei ding ti’n kan ruat na’n netabik ah a lang thotho ding.

           

Paul in langhngan te’n in sut, “Nan taksa ruangpi cu Pathian in a lo pekmi le nan sungih a nungmi Thlarau Thianghlim ih biakinn a si hi nan thei lo maw? (1Korin. 6:19). Himi in Pathian in Amah cu kan mawttaw inn a hnokzetmi sungih um vek in a thei aw ding ti in ruatter.

           

Thiang Thlarau bomnak thawn a hnokmi thianfaiter a cu zo. A khami ruahnak hlon aw. Taksa hiarnak ruahnak hlon aw. Na ruahnak rem aw. Na thinlung cu  Pathian ih Ttongkam ih mawinak thawn khatter aw. A sung muril tiang faiter awla mi hmuahhmuah hmuh dingah sangka ong in ret aw.

 

Bawipa bangtuk in nun thei ka zuam ding,

Amai’ nunneem le tangdornak bangin;

Ttuannak felnak le raltthatnak tamdeuh in,

Ttuan zuamnak le thiannak a duh tamdeuh in.

 

Thiang Thlarau cu a hnokmi thinlung sungah umter hlah,

Tikcu caan laak in tuih sun ah thianfai aw.

Comments

comments

Comments

%d bloggers like this: