Hnawiti Thiang

March 21

Nipi Ni

Hnawiti  Thiang

Siar:

Tirhthlah 15:1-11, 19-21

Naute suak pek bangtuk si uh; thlarau hnawiti duh uhla cuih hnawiti nan innak thawngin nan tthang dingih rundam nan si ding. – 1 Peter 2:2

Kumkhat Sung Baibal:

–   Joshua 7-9

–   Luka 1:21-38

Kan dung naite ah Taluk ram ih cawhnawivut suahtu tthenkhat pawl in minung hrangah a ttha lomi, cetzung lawngih hman dingmi Melamine cu an cawhnawivut lakah an rawi ti an thei. Ziangahtile protein tampi a tel ti langter duh ruangah a si. Nauhak tampi an thi ih besiazet in a naami tla an um. Hivek thil hi ram tampi khal in protine tampi lang seh ti an duhnak ah Melamine cu ttilva rawl an tuahmi ah an rawinak kum 40 lai a ti zo. Cuvek ruangah ttilva tampi an thi.

A dang thil ttha lo phunkhat cu “thlarau hnawiti” Pathian Ttongkam tlunah  minung in a dang kan betmi hi a si (1Peter 2:2). A thianghlim timi cu thil ttha lo  “cawh baal lomi” tinak a si. Ahlan ih Kawhhran pawl in rundamnak co dingah vunzim tan a ttul an ti (Tirh. 15:1). Cumi ruahnak cu Pathian Thu thawn a kalh awk ruangah an rak cohlang lo. Peter in zumtu pawl hnenah; “Ziangah so kan pu le kan pa pawl in siseh, kanmah khal in siseh, kan phurh thei lomi thilrit cu zumtu pawl ih zaang parah suang tahrat in Pathian cu hniksak nan duh? Kanmah hi anmah vek thotho in zumnak kan nei ih Bawipa Jesuh ih zaangfahnak thawngin rundamnak kan ngah a si’’ tiah a ti (Tirh. 15:10-11).

Pathian Ttongkam hnakin a dang thil ttha tuah ding a ttul ti an lo zirh tikah ralriang aw. Ziangahtile na thlarau nunnak hman a thihter theitu a si.

Pathian cun a Thu thiang minung hnenah a pe zo,

A duhnak cu minung hnenah a theihter zo;

Minung in a cuih Thu thiang cu thlengh ding zuam hlah seh,

Cuih Thu pawl Amai taa an si ttheh.

Pathian Thu cu bet le hlon a ttul lo.

(Visited 20 times, 1 visits today)

Comments

comments

Comments

%d bloggers like this: