Hnaihnoknak

February 7

Nipi Ni

Hnaihnoknak

Siar:

Luka 10:38-41

Martha cu hnattuan tampi nei in a buai ih a thin a tteu ruangah Jesuh hnenah, “Bawipa, ka naunu in hnattuan hmuahhmuah i tun ttheh hi na poisa lo maw si? Sim aw, i ra bawm seh!,” tiah a ti.  – Luka 10:40

Kumkhat Sung Baibal:

–   Puithiam 1-3

–   Matthai 24:1-28

Ca ka zirhnak phunsang tlawng pakhat ah tlawngta pawl labtop timi computer fate pawl an hmanter. Tlawngta pawl hrangah a tthathnemnak a um nain an cazirnak dawnkhamtu a si, ti’n ka hmu. Ziangahtile cazirlai ah hnaihnoktu a si.

Tlawngta pawl in cakhum dingin an computer cu an khung parah an ret tikah ka cazirhmi ah an lunglut loin computer sungin ca thawn an biak aw, face book tivek rualpi thawn pehtlaih awknak an zoh,  Internet ah thil phunphun an zoh ih ca hnak in an lunglut sawn.

Tlawngta pawl in a tthalam in an hmang nain an cazirnak a hnaihnok ruangah  cazirnak khan ahcun laptop computer fate cu tthathnemnak a nei lo.

Thil ttha timi khal cuvek an si thei. Man nei le thil ttha hmanmi pawl in ttha te’n  kan theih ttulmi in phen thei. Himi hi Martha hrangah a dik a si. “Martha cu hnattuan in a buai,” ih Jesuh thawn caan a hmang ngah lo (Luka.10:40). Vuatana ttha na neihmi in na innsang parih ttuanvo na neihmi a lo pelhter, asilole Pathian thawn pehtlaihnak a lo pelhter a si ahcun thlengh awk na ttul.

Na nunnak ah a ttha ti ih na tuah duhmi in na tuah tengteng dingmi tuah loin a lo dawn maw? Jesuh in Martha hnenih a sim bangin, “A ttulmi ah” kir saal aw.

Thlacamnak:

Bawipa, a dikmi le a ttulmi tuah dingah i bawm aw,

Tikcu hnakin Nangmah hmaisa ih lo ret dingah;

Na duhnak le na thungai hiarnak thinlung i pek aw.

Pathian thangtthat dingah sersiam mi kan si.

(Visited 25 times, 1 visits today)

Comments

comments

Comments

%d bloggers like this: