Hna A Ttuan Theitu Zumnak

January 13
Tlawngkai Ninga

Hna A Ttuan Theimi Zumnak

Minung hnenih laksawng a petu khal Amah a si. A laksawng pekmi cu: a hrek cu Tirhthlah, a hrek cu Profet, a hrek cu Thuthangtha phuangtu, a hrek cu Pastor an si ih a hrek cu Zirhtu an si. Hi bangtuk in laksawng a peknak cu: Pathian minung pawl in Khristian hna an ttuan thei ih Khrih ih pum an tthansoter theinak dingah a si.
– Efesa 4:11-13

Bible Siar Ding: Efesa 4:7 – 5:1

Mi pakhat cu keimah thawn Montreal ihsin Vancouver ah, le cutawk ihsin New Zealand ram ah tinbaw (ship) thawn khual kan tlawng tlang. Amah hi rang tlan zuam awknak ih lawng-ka-sa tuah paihzettu a si. I tlansan thei nawn lo a bang. Amah cu rang tlan zuam awknak thu lawnglawng lungthozet le aatthlakzazet in a rel paih, asinan a thurelmi khal a cemnet tiang tluang te’n a fehpi thei dah cuca lo. Thu pipa zianghman ka relpi thei lo, ziangahtile kei ih ka buaipimi cu Pathian ih huham lawng hi a si ruangah. Mi zokhal Khrih Jesuh ih huham thawn a sunglam nun a thuam awtu cun a lenglam tisa pum khal Satan in ziangtluk ih a kulhvel khal le zianghman ttihphannak a nei lo ding. A tuah dingmi umsun thlangam teih um lawng hi a si. “Phaang hlah uh; hngetzet in ding uhla, tuihsun ah nanmah ruun dingah Bawipa ih tuah dingmi rak zoh uh” (Suah. 14:13).

Ka khualtlawnpi pa cun hih khawvel thil thuhla lawng fimkhur lozet le aatthlakzazet in a buapi. Fiji group tikulh (island) pakhat ih kan thlen tikah zohman tinbaw parah kan kai thei lo, ih Pathian in mangbangza in thuthangttha zalenzet ih simphuan theinak caan ttha i pek. Cumi pa cu a rak ra saal; rang tlan zuam awknak ih lek ding le phe-kah ding tivek pawl ai ah tinbaw parih thilri fir dingin a ra. Asinan a mitthli tla phah in hiti’n a ttong, “Ka thi thlang ding, rul in i cuk” a ti. A taksa vun pawl cu a dup thluh thlang ih a ke pawl tla an thling ttheh zo. “In bawm thei pei maw?” ti’n zaangfah i dil.

Pathian ih huham cahnak pakhat lawng kan theih a ttul! A nasami hmun, atak ram le tumtahnak dik sungih kan um ahcun cumi cu minunglam ih suakmi a si lo; kannih cu ziangkim tithei Pathian thawn umtlang mi kan si. Pathian ka hnenah a um. A nungmi zumnak ka nei ih cumi cu Pathian Thu zumnak hi a si. Pathian Thu cu nunnak a si. Bawipa cu “mani, tuihsun, le thaisun ziangtik hmanah a danglam dah lo” (Heb. 13:8). Pathian rinnak in ka kut cu rul ih cukmi pai’ parah ka suangih, “Jesuh hmin in dam aw” ti’n thla ka cam. Keimah i hun zoh ih a mitthli a tla. A mit hmuh rori ah rultur ruangih a kenaa thling piarpiarmi cu a reh sualso ih hmakhat te ah a hung dam felfai.

Pathian in zinglam nisuak bangin tleunak thawn khat ding le ziangtiklai caan khalah Ziangkimtithei Pathian sungah tleu ding in duhsak.

@ Smith Wigglesworth

(Visited 27 times, 1 visits today)

Comments

comments

Comments

%d bloggers like this: