Hmuitinmi Fiangter

June 3

Tlawngkai Nili

Hmuitinmi Fiangter

Siar:

Filipi 3:7-14

Curuangah hmuitinmi lam ah zuamman laksawng ngah dingin dingte’n ka tlan. Cuih laksawng cu Pathian in Khrih Jesuh sung ihsin kumkhua nung dingah in run kawhnak kha a si.   – Filipi 3:14

Kumkhat Sung Baibal:

2 Sansiar. 19-20

–   John 13: 21-38

2004 kum Olympic lek zuam awknak ih rifle meithal kah zuam awknak ah Matt Emmons in pakhatnak a ngah ih sui tacik laksawng a ngah. Athens khua ih zuam awknak khal ah sui tacik ngah saal dingin zum mi asinan a hmuibahmi a tthelh deuh ruangah a pariatnak lawng a ngah.

Paul in Khristian nun ah hmuitinmi dik neih ding a thupit zia Filipi cakuat sungah a ngan. “Hmuitinmi lam ah zuam man laksawng ngah dingin dingte’n ka tlan” (3:14) a ti.

Tlan zuam awknak ih a teltu mi pakhat ih thu tahtthimnak ih a sim tikah Paul in,  “hmutin (goal)” timi ttongfang a hmang. Cuih ttongfang cu thalkah tikih hmanmi ttongfang thawn a bangrep aw ngelcel. Nehtu si ding cun hmuitinmi fiangfai teih hmuh a ttul. Zumtu pakhat ih nun sung hmuahhmuah ah hmuh fiang dingmi cu Jesuh thawn bang sinsin ding hmuitin hi a si (Rom 8: 28-29; Gal. 5: 22-23).

Tuni na hmuh fiangmi hmuitin ziang a si? Atu hnak ih nuam deuh ih nuntu khawsaknak a si maw? Zumtu na si ahcun na neih dingmi hmuitin cu Pathian Fapa Jesuh Khrih thawn bang aw sinsin ding hi a si (2 Kor. 3:18). Na hmuitin a dik le dik lo fiangter aw!    –Dennis Fisher

Ka duh bikmi thil pakhat a um,

Jesuh thawn bang ding a si;

Thathozet ih ka hmuitinmi a si,

Jehsuh thawn bang dingin.   -Chisholm

Na nunnak a tthabik ih tuahser theinak dingah,

Pathian ih hmuitinmi kha na hmuitinmi siter aw.

(Visited 24 times, 1 visits today)

Comments

comments

Comments

%d bloggers like this: