Hmuibatmi A Laimu

October 9

Zarhte Ni

Hmuibatmi A Laimu

Siar:

Saam 86

Maw Bawipa, tuahter i duhmi cu i zirh awla, rintlakzet in Na thu ka thlun ding. Thinlung takte ih a lo riantu si dingah Nangmah in i zirh hram aw.     – Saam 86:11

Kumkhat Sung Baibal:

Isaiah 32-33

Kolose 1

Kan raalring lo asile thalkah thiamzet ka si ti ih a porh aw pa kan bang pang ding. Ka thiamzet ti ih a porh awknak thuthup cu cuam tumpi kap ah thal a kap ih a thalfang ih a ngahnak kimvel kha a kulh ih a laimu ka ngah ti’n a hminsinmi a si.

Kanmai’ duhnak le ruahnak vekin nung tahrat in kan nunnak ih kan hmuibatmi hi a dik a si ti a olte. Thufim 14:2 sungah, “Mihrek in lamzin dik tiah an ruahmi a netnak ah thihnak ih mi hruaitu lamzin a si,” ti’n a um.

Vei khatkhat phuba laak, paisa tampi khawl, nunnomnak hawl, tivek pawl hi a dik ti ih kan ruah caan a um thei. Sihmansehla Pathian in kan sual ngaidamnak hrangah a hmuibatmi cu midang hnenah siangzet in a petu, kanmah hnakin Amah lungawitertu, le biang khatlam beng tikih khatlam tun saaltu hrangah a si. “Maw Bawipa, tuahter i duhmi cu i zirh awla rintlakzet in Na thu ka thlun ding,” tiah thlacam kan ttul (Saam 86:11). Ziang hmuahhmuah kan tuahmi le kan simmi ah Amah ih Daan thlun hi kan hmuitin dingmi a si.

A dikmi hmuibat dingah kan zate in bomnak kan ttul. Lungawi ding a simi cu Pathian ih Ttongkam ah a dikmi hmuibatnak a um cia zo. Pathian Thu hi kan nunnak ih kan hmuibatmi a si ahcun ziangtik caan khalah Amai’ lamzin cu a dikmi a si.    – Joe Stoeel

Pathian in A Ttongkam thianghlim in pek,

Kan lamzin tluan in hruaitu le in bawmtu dingah;

Kan siar ih kan thlun asile,

Lamzin pengah kan feh lo ding. – Sper

Pathian ih lamzin cu kan nunnak ih kan hmuitin dingmi a si.

Comments

comments

Comments

%d bloggers like this: