Hmuhnak

Siar:

Isaiah 40:12-13; 25-31

Leitlun le van leng ah a to ih…A thuai milai pawl cu a mit-hmuh ah sihte tia fang an si. -Isaiah 40:22

Kumkhat Sung Baibal:
Ezekiel 7-9
Thufim 11:1-11
Thusuhnak: Ziangtikah vate cu tlaang hnakin a tumsawn?  Thulehnak: Vate cu tlaang hnakin naisawn ih a um tikah. Thungai te’n, vate cu tlaang hngak in a tum sawn lo nain ka tukvirh tlang parah a to ih tlaang cu hlapi ih a um tikah cuvekin a lang.
Vei khatkhat ah, kan buainak thawn pehpar in Pathian hi cuvek in kan hmu ttheu. Buainak kan neihmi kha tumpi in a lang, ziangahtile in naih ruangah. Vate dum tumzet pi mit kaupi le hmur hriamzet in vate fate ei dingih a bawh bangin kan hmu. Cutikah Pathian cu lam hlapi ih ummi tlaang vekin kan hmu ih Amah cu a fate ih kan pan baan thei lo vek a bang.
Profet Isaiah in himi thusuhnak thawn kan hmuhnak in thlengh sak.  Tipithuanthum ti khi a suumpi in a tah theitu an um maw? Van khi a khaap in a tah theitu teh an um maw? Zoso leilung tlun ih leivut hi a bawm sungah a thun ttheh thei? Zoso tlaang sang le tlaang mual hi cuai a khai thei?(40:12) . A baang mi le thacem mi pawl cu an tha a cakter saal (c.29) tiah a ti.

Vate cu tlang hnakin a tum dah lo bangin ziangvek buainak khal Pathian hnakin a tumsawn dah lo. Kan hmuh daan ruangah a si.

Nitin kan tonmi buainak cu,

Tuar ding tumtuk an bang men thei;

Kan mit in Khrih a zoh ih
A fingkhawinak kan rinngam tiang le

Amah kan rin hlan lo tiang.

Kan buainak tumbik hnakih tumsawn mi Pathian kan biak.

Comments

comments

Comments

%d bloggers like this: