Hmuhnak cun mi a bum thei

Hmuhnak cun Mi a Bum thei

Siar:

Matt. 15:1-11

Himi pawl hin an kaa lawngin in upat ih an thinlung ngaingai cun in hlatzet a si.

– Matt 15:8

Kumkhat Sung Baibal:

Saam 120-121

June thla ni 22, 2002 ah St. Lovis Cardinals, baseball team ih lek thiamzet, kum 33 pa cu Chicago Hotel khaan sungah a thi cia in an hmu. Amah cu mi damzet a bang nain a thih hnu ih an zoh tikah, a thii fehnak thiihri pathum sungah pahnih cu 90% a pit, a lung a thling ih a thii fehnak pakhat sungah thii a khal.

Jesuh in, “Lenglam hmuh-nak in milai cu a thlarau a harhdam a si tiah zum dingin mi a bum thei,” a ti. Farasi pawl in Jesuh le a dungthluntu pawl cu rawl ei hlanah an kut an kholh lo ruangah biaknak daan nan buar tiah mawh an phurh tikah, “Pathian tuahmi daan an hnongih, milai tuahmi daan an thlun sawn a si” tiah a ti. Cuhleiah, “Vancung ih dingfelnak cu a leng ihsin a sungih lutmi tuahnak a si lo, a sung ihsin a lenglam ah a suakmi, Pathian ih tuahmi a si” tiah a ti.
Jesuh ih zohnak ahcun, thlaraulam ah mi an hiip na’n an thinlung cu a dam lo ih Pathian thawn an hlatzet, “Himi pawl hin an kaa lawngin in upat ih an thinlung ngaingai cun in hlatzet a si” (Matt 15:8) tiah a ti. An ttongmi cu an nun daan thawn a mil aw dah lo ruangah thuphanper pawl an si.
Kan thlarau harhdamnak cu mit hmuh ah ziang kan bang? ti si loin ziangti’n kan nung timi in a si sawn. Pathian kha in hlathlai aw, kan thinlung thei aw, in hniksak awla na lamzin ah i hruai aw (Saam 139:23-24) tiah dil uhsi!

Maw Pathian tuni i hawl awla ka thinlung i thei aw,

I hniksak awla ka ruahnak thei hram aw ka lo dil;

A ttha lomi ka nunzia hi i hmu awla,

Sualnak hmuahhmuah in i thianter awla i luatter aw.

Kan ttong vekin nung uhsi.

Comments

comments

Comments

%d bloggers like this: