Hmuh Theimi Ciingmangtertu

October 11

Tlawngkai Nikhat

Hmuh Theimi Ciingmangtertu

Siar:

Kolose 3:1-10

Leilung tlun thil pawl ruat loin vancung thil pawl khi ruat sawn uh. Kolose 3:2

Kumkhat Sung Baibal:

–   Isaiah 37-38

Kolose 3

Na computer na on tikah ziangmi zuk na hmu hmaisabik? Sungkhat unau zuk khal a si thei, rualpi thawn leennak zuk khal a si thei. Asilole na uarmi lek thiam pawl ih zuk khal a si thei.

Zuk suaitu ih Jesuh hmuhsakmi teh a si thei lo maw? Mi pakhat in taklawng zuk thu ruangih reipi buainak a tonmi thu ca in i kuat dah. Leilung tlun computer online parih sual leennak ruangih siatsuahnak thu a si. Netabik ah Ciingmang ringring dingin Jesuh zuk cu a computer screen parih a ret hnu lawngah thinnomnak a ngah saal.

Amah luattertu le rundamtu Jesuh zuk a computer parih a hmuh ringring hnu in sualforhnak website zoh hiarnak a cemta. Amah le amah Kolose 3 sungih Paul in, “Nan pumsa duhnak, nupa sualnak le zoh mawi lomi nuncan, taksa hiarnak le hurnak le hamttamnak pawl tla cu nunter nawn hlah uh,” (Kolose 3:5) a timi thu in raalrinnak a pek aw.

Kan mit cu Jesuh hnenah kan hoi asile, Amah cu, “Nan nunhlun a thi zo ih nan nunnak taktak cu Khrih thawn Pathian sungah thuh in a um a si” (c.3) timi thupizet ih in ciingmangter saaltu a si. Na mawttaw hmailam ih benmi asilole na computer parih zuk taarmi ah na thinlung lo tthanghharh dingah Jesuh zuk taar dingin hril aw. – Joe Stowell

Na mit Jesuh hnen hoi in,

Amah ih mit-hmai ttha te’n zoh aw;

Leilung thil pawl cu an hlo ttheh ding,

A tleumi a sunglawi zaangfahnak sungah. – Lemmel

Sualnak thawn nan hlat awk theinak ding ahcun

nangmah le sualforhnak karlak ah Jesuh dinter aw.

Comments

comments

Comments

%d bloggers like this: