Hmuh Theih Lomi A Kut

October 12
Tlawngkai Ninga

Hmuh Theih Lomi A Kut

Bible Siar Ding: Job 9:1-11

Zumnak neih timi cu kan ruahsanmi kan ngah tengteng ding ti zum le
kan mit ih kan hmuh thei lomi a um rori a si, ti zum khi a si.
– Hebru 11:1

Na theihmi hmuahhmuah ah thudik le dingfelnak zianghman um loin, na hmuhmi zate khal thuphan hlir a si tikah ziang na tuah pei?

Job ih harsat buainak a ton caan hi a zate’n zoh-niamnak le thuphan puhnak hlir in a khat kan ti thei. A dinhmun cu a biakmi Pathian le a renmi a Bawipa in amah dokalh le hrem ih lang vek khin a um thluh. Harsatnak sung ihsin luat theinak dingih a thlacamnak tla zianghman theih sak lo le leh sak loin an um ih thinnatnak tilet le tisuar ih a nuainam laitak a si. Mifel Job in Pathian ih umpinak le bomnak a ttul laitak ah hmuh thei lomi Pathian ih hmuh theimi kutcak cu khui ah so a um?

Pathian ih kut cak cu Job parah hremnak vekin lang hmanseh, Job cun Pathian ih thinlung sungah thudik a um ko a si timi a zumnak le a rinsannak cu a thlahphoih duh hrimhrim cuang lo. A dinhmun cu siazet hmansehla, Pathian a rinsannak cu fekzet in a kaihnget ringring thotho a si.

Kan dinhmun le kan kiangkap ih thilcangmi in kan hmuh thei lomi Pathian kan rinnak hloter zikzik ih a um caan ah ziang kan tuah? Kan ruah daan vekin Pathian kutcak cu kan hrangih a lang lo tikah kan rinnak (faith) kan hloter pang maw, asilole Pathian ih thinlung hawl in Amah hnenah kan naih sinsin?

Cumi parih kan thulehkirnak (answer) in kan thupittermi le co-u (priority) kan pekmi a langter – Pathian ih kut maw kan zoh, asilole A thinlung sawn?

Ka duhdawtmi Bawipa, Na kut cak ka hmuh ah siseh, hmuh lo ah siseh,
Nang cun dikzet in ziangkim na tuah ringring ti thei thei dingin in bawm aw.

Harsat buainak le thinpit mangbang ka ton caan ah,
Pathian ih kutcak maw, A thinlung sawn ka hawl ttheu?

@Pennington

(Visited 25 times, 1 visits today)

Comments

comments

Comments

%d bloggers like this: