HMUH THEIH LO MIPA

Tlawngkai Nihnih

 

Hmuh Theih Lo Mipa

 

Siar:

John 14:5-20

 

Kan zumnak a thoktertu le a famkimtertu Jesuh kha catbaang loin zoh uhsi! Hmailam ih a co dingmi lungawinak a tumtah ruangah thinglamtah parih thihnak hman a tuar ih atu ahcun Pathian tokham vorhlam ah a to.      – Hebru 12:2

 

Kumkhat sung Baibal:

       Zekhariah 7-9

       Thufim 29:21-27

 

Nauhak ka silai ah “Hmuh Theih lo Mipa (The Invisible Man)” timi cabu in i hiipzet. Cubu sungih lemcang thupibik ih um daan cu kukrelh vekin minung ih hmuh thei loin a um. Taksa thawn a um ahcun hnipuan a hrukih a  hmai a tuam, a duh tikah a hlo lala.

           

Mi hmuahhmuah in mit hmuh lo Pathian hi cutivek ah kan ruat pei maw? ti’n ka ruat ttheu. Mit hmuh lo Pathian an ruah daan hla pakhat an phuahmi cu:

            Kumkhua nung, hmuh theih lo Pathian lawng a fim,

            Tleunak sungah ton theih a si lo;

            Mit in kan hmu thei lo.

Hih hla in Pathian cu mangbangza a si zia le hmuh theih lo a si zia a phuang.

                                            

Kan lo thangtthat Bawipa,

Lo hmu thei dingin in bawm aw;

Tleunak pheenthlam in a lo pheen.

 

Pathian cu hmun hlapi ah, ton theih loin a relh ti’n kan ruat. Hmanseh, ton theih mi Pathian kan ttul ih Amah thawn tican a neimi pehzom awknak ziangti’n kan nei thei ding daan ka ruat.

 

Ton theih sihmansehla Pathian cu ziangvek a si ti famkim te’n kan thei dah lo ding. Curuangah Jesuh cu Pa Pathian hmu dingah (John 14:8) le amah thawn naihte ih kan um theinak dingah a ra. Khrih cu hmuh theih lo Pathian ih hmuihmel langnak a si (Kolose 1:15).

 

Pathian cu hmuh theih lo a si hlei ah kan theih baan lomi a si. Hmanseh Jesuh in Pathian cu ziangtluk in naih ti hmuh dingin a ra. In naih taktak a si.

 

Pathian ih laksawng tumbik in peekmi cu

           kan hnenih in umpimi hi a si.

 

 

Comments

comments

Comments

%d bloggers like this: