Hmuh Hmaisabik Parih Ruahnak

October 23

Zarhte Ni

Hmuh Hmaisabik Parih Ruahnak

Siar:

John 7:14-24

A lenglam zohnak in thu tthen hlah uh; thudik a sinak zoh in thu tthen uh,” tiah  a ti.   John 7:24

Kumkhat Sung Baibal:

Jeremiah 1-2

–   1 Tim. 3

Kan dung nai ih Nitin Thlarau Rawl ah T-Shirt angki parah “Duhdawtnak cu a sungtu pawl hrangah: (Love is for losers)” ti ih nganmi a hruktu fala nu pakhat ih thu ka ngan. Cumi sungah cuih thu cu riahsiatza a si thu le a thuken cu tuarnatnak a si thu ka ngan.

Ka casiartu sungin nu pakhat in phundangzet in a rak laakmi ka hmu ih ka lauzet. Ca i kuat ih, “Ka fanu le a rualpi pawl cu tennis lektu an si ih cuti ih canganmi T-Shirt angki hrukin an lek ttheu. Tennis leknak ah hmat ngahmi nei lo cu “Love” ti ih siar a si. Hmat na ngah lo asile “Love” ti na si dingih na sung tinak a si. Curuangah tennis leknak ah “Love” ti cu sung tinak a si,” a ti. Cu minu ih ca i kuatmi in cuih ttong thawn pehpar aw in ruahnak thar i pek.

Hih ka hmuhtonmi in ziangkim ah zamrangzet ih thutthen cu a sual thei ti i theihter. A famkim lomi le theih fiang lomi parah hrambun tahrat in thutthennak tuah cu a palh thei ih midang hrangah a ttha lomi le mannei lomi um daan a suakter. Cule cuti vek thutthennak in midang napi in a siatsuah hngai thei.

A dik lo ih thutthentu pawl hnenah Jesuh in, “A lenglam zohnak in thu tthencat hlah uh, thudik a sinak zoh in thu tthen uh,” tiah raalrinnak a pek (John 7:24). Kan thutthennak cu a dikmi le a hmanmi thutthennak si dingin kan raalrin a ttul. Thutthennak cu thuhla dik theihmi parah le a dikmi thinlungput (Khrih lungput) neih ih tuah a ttul. “Dingte ih thutthen cu nehtu pawl hrangah a si,” timi thuken (motto) kaihnget dingin napi in zuam aw.  – Bill Crowder

Na hmuhmi thu ol te’n va tthen hlah,

Na theih hmaisa thu puan te’n laak hlah;

Theih sual awknak a karh sin thei,

Thudik thei fiang hmaisa lo ahcun!    – Sper

Ruat ttha ta lo ih thutthennak cun

simfiang saalnak a ttul ttheu.

Comments

comments

Comments

%d bloggers like this: