Hmuh Fiang Thei lonak ihsin

Hmuh Fiang Thei lonak Ihsin 

Siar:

2 Siang.22:3-11 

Biakinn sungah Daan cabu a sar.                   ?2 Siang. 22:8 

Kumkhat Sung Baibal:

– Ezekiel 37-39
–           Thufim 15:22-33 

Virginia ramtthen ih ram sung raaldo awknak hmun kiang ih inn hlunpi pakhat sungah hnattuantu pawl in a par ih cangan ummi lungto an phorh. Siar harzet ca nganmi an hnulfai tikah khuahlanlai thuhla a rak si. Kum145 sunglai a rak thup awmi thuhla an thei suak saal cu hnattuantu pawl  an lung a awituk.     

Hih thuanthu in khuahlanlai ah Biakinn sungah kum reipi  a hlomi Daan cabu puithiam Hilkiah in a sar ih a siarmi thu in vun mangter saal. Isreal miphun hnenih a pek taami Pathian Ttongkam cu an ngaihven lo, an hngilh men ih netabik ah an hloter. Asinan siangpahrang Josiah in Pathian Daan thlun a duh ruangah Biakinn ah khawmnak tuah dingin Puithiam pawl cu thu a pek. Moses ih Daan cu an tong saal.
     
Cuhnak ih thupi sawn hmuhsuak ding a um. Philip in Jesuh a hmuh hnu ah a rualpi Natanael hnenah, “Moses Daan sungih a sim mipa kan hmu  zo”  a ti (John 1:45).
     
America ramsung raaldo awknak ih a teltu raalkap pawl ih  lungto parih ca nganmi  an hmuh cu tulai san minung pawl an lungawi in an thin a tur. Pathian in A Thu a simi Jesuh Khrih  kha milai tisa ih a cantermi cu ziangtluk lungawi thinturza so a si!
 
Pathian Ttongkam thu sunglawi,
Ziang thawn hman tahtthim theih a si lo;
Asinan kan siar/zingzoi lo a si ahcun,
Zianghman ah kan hmang thei cuang lo. 

Baibal cu a hlu nain, a sungih thutak cu a thar ringring.

Comments

comments

Comments

%d bloggers like this: