Hmual Neihnak Ih Dawhhna

December 13

Tlawngkai Nikhat

Hmual Neihnak Ih Dawhhna

Siar:

Tirhthlah 4:1-13

Khonsil upa pawl in Peter le Johan an raal a ttha ti kha an hmuh tikah an mang a bang ngaingai. Cule annih cu Jesuh ih rualpi an si ti kha an mang saal.    – Tirhthlah 4:13

Kumkhat Sung Baibal:

–   Hosea 12-14

–   Thuphuan 4

Kum tinte thil um dah kel lo a tuahtu pawl kha Nobel Prize laksawng pek an si. Sumpai lam, leitlun um thilri pawl ih cahnak le an si zia lam, sii lam le remdaihnak tuahtu pawl cu an pek suak awknak parah upatnak pek an si. Mi pakhat Nobel Prize laksawng pek a si tikah kum reipi a zirnak, a zuamnak, a fimthiamnak tivek thil um dah lo ra cang suakmi hmual neihnak ih dawhhna hrangah a pek awknak nemhngehnak saangbik a si.

A thupizetmi thlarau lam hmual neihnak tuah kan duh men ding. Asinan thlarau lam le Pathian hnattuannak lam ah mi thinlung neh theinak huham ih dawhhna cu ziang a si? Jesuh hrangah a um dah kel lomi huham le hmual neihnak umter kan duh asile ziangmi kan thaap ding?

Jesuh dungthluntu hmaisabik pawl cun Jesuh thawn caan an hman tlangnak ihsin huham an nei. Cumi cu Israel biaknak lam hruaitu pawl in an theithiam. “Khonsil upa pawl in Peter le Johan cu fimnak le thiamnak nei lo mi menmen an si nain ziangtluk in an raal a ttha ti kha an hmuh tikah an mang a bang ngaingai. Cule annih cu Jesuh ih rualpi an si ti kha an mang saal” (Tirh. 4:13).

Zirnak le fimnak cu Runtu rennak ah man an nei, asinan amah thawn caan hman tlang thawn cun tahtthim ding a um lo. Amah cu thlarau lam huham le hmual kan neihmi ih dawhhna a si. Na huham ih dawhhna a simi Jesuh Khrih thawn tikcu caan ziangtluk na hmang?  – Bill Crowder

Amai’ umpinak hmun thup sungah,

Ziangtluk in ka thlarau in thup awk a duh!

Aw, ziangtluk man nei zirnak so an si,

Jesuh kiangih ka zirmi pawl cu!   – Goreh

Na tisa duhnak nun neh thei dingin,                                                            Leilung nehtu Khrih thawn caan hmang aw.

(Visited 20 times, 1 visits today)

Comments

comments

Comments

%d bloggers like this: