Hminsintlak Nga Awhnak

March 11
Zarhpi Ni

Hminsintlak Nga Awhnak

Kan hmai ih a ummi tlanzuamnak ah taimak suah in tlan uhsi! Ka zumnak a thoktu le a famkimtertu Jesuh khat cat loin zoh uhsi!
– Hebru 12:1-2

Bible Siar Ding: Luka 5:1-11

Mipi cun Jesuh cu an kulh miarmiar, curuangah mi zapi in a thuzirhmi an theih theinak dingah Jesuh cu lawng (boat) sungah a to. Cun thusim a ttheh tikah Jesuh in Peter hnenah, “Ti thuknaklam ah na lawng hi tthawn awla na rualpi pawl thawn nan sur cu vun vorh hnik uh,” tiah a ti (Luka 5:4). Peter in, “Zaanvar taimazet in kan vorh zo na’n zianghman kan awk lo,” (c. 5) a ti. Peter cun, “Bawipa, Nang in ngakaih daan na thei sawm. Sun cu ngakaihnak caan ttha si lopi,” ti’n a ruat men ding,. Asinan hiti’n a ti, “Sikhalsehla vorh uh, in ti ahcun ka vorh ko si pei cu,” tiah a ti (c. 5). Peter le rualpi pawl in sur an vun vorh tikah tili sungih um nga hmuahhmuah in sur sung luh an cuh aw ciamco si ding ka zum. Jesuh hmuh an duh ve si ding. Jesuh kan hmuh thiam a ttul.

Peter cun nga a kaihmi pawl cu lawng pakhat sungah a khat in a ret, cule a dang lawng pakhat sungah a ret vingvo. Aw na sur na vun vorh asile ziangsi cang ding? Pathian zum aw. Bawipa in, “Leilungtlun minung hmuahhmuah tla Keimah lam hoikir uhla runnak nan ngah ding. Keimah lawng Pathian ka um,” a ti (Isa. 45:22). Jesuh in, “Thilrit a phur mi le zonzaih a tuartu pawl, Ka hnenah ra uh, colhdamnak ka lo pe ding” a ti (Matt. 11:28). Jesuh in, “Thungai te’n ka lo sim, a zumtu cun kumkhua nunnak a nei,” a ti (John 6:47). “Zum aw!” Pathian Ttongkam ih in simmi cu “Zum aw!” ti hi a si.

Peter in an lawng cu ti sungah a pilzik ti a hmu. Kiangkap a zoh tikah Jesuh a hmu. Jesuh kehram ah khukbil in a bok ih, “Bawipa, i fehsan hram aw, ziangahtile kei hi misual ka si,” tiah a ti (Luke 5:8). Peter le rualpi pawl cu an nga awh ngahmi a tamtuk ruangah an khuaruah a har. Soiselbo Pathian Tuufano Jesuh in Peter hnenah, “Na thinphang hlah, atu thok in minung kaitu na si ding,” tiah a ti (Luka 5:10).

Jesuh hmuh cu nunnak lamzin thar hmuh hi a si ih ziangkim danglamzet ih hmuh theinak a si. Nunnak thar le tumtah khuakhannak thar neih khi a si. Amah kan zoh tikah, kan thin di a riam, Amah vek khawvel ah zohman an um lo. Sualnak zate an kiang.

Jesuh cu Pathian phuanlangnak a si (Hebru 1:3). A hnen pan in kan zate’n funtom aw uhsi! Amah lawng hi kan ttulmi umsun a si. Jesuh Khrih lawng hi Pathian nung, kan thinlung ih hiarhalnak hmuahhmuah diriamtertu umsun a si.

Jesuh nei dingin a rilrawng lotu le tihaal lotu cu Pathian in a hmang thei lo.

@ Smith Wigglesworth

(Visited 19 times, 1 visits today)

Comments

comments

Comments

%d bloggers like this: