Hmin Theih Lomi Thilpetu

August 1

Nipi Ni 

Hmin Theih Lomi Thilpetu 

Siar:

Matthai 6:1-4 

Sikhalsehla nannih cun mi tlasam nan bawm tikah nan vorhlam kut ih tuahmi kha nan kehlam kut khal in theih lo dingin va tuah uh.    – Matthai 6:3 

Kumkhat Sung Baibal :

–   Saam 57 – 59

–  Rom 4 

Na hrangah ziangti’n a si ding ti ka thei lo na’n, kei ka hrang ahcun mi in an hngilh thei lo dingmi thil ttha tuah sak hngai ih lawmh co hi nuam ka ti ngaingai. Cuvek in mi ih lawmh co duhtu cu keimah lawng ka si ding ka zum lo.           

Sikhalsehla, zo an si ti kan theih lomi hnenih sim dingmi cu a um. Hivek ih hmin langter loih thilpek hi pek daan ttha phunkhat a si ti cu a fiang, ziangahtile Jesuh in hram a rak thok zo.           

Curuangah veikhat cu kan inn hmai ah theih lo mi hnen ihsin laksawng pekmi a rak um cu ka mangbang ngaingai. Kanmah cu khual kan tlawng. Kan ra tlung tikah nihoihpar (sunflower) pangpar bel tampi a rak um. Nihoihpar a duhzettu a thi zomi kan fanu, Melissa ih suahni cam a si ruangah kan sangka kiangah an retmi a si ti kan thei. Mi hrekkhat in in sim, “Melissa kan ngaituk,” in ti. Zo an si ti rel lang loin kan innsang in duhdawtnak an langter.

Mah hrang ruat lo te’n siangzet ih kan pek cio ding hi ruat hnik aw. Matthai 6 sungah Jesuh in a thupte ih pek daan ding a sim. Mi tlasam nan bawm tikah nan rualpi tthabik hman ih theih lo dingin va tuah uh. Nanmah pakhat lawng ih theih in tuah uh, (c.3-4) a ti.           

A ngaingai ahcun zohman ih theih lo ding cun kan pe thei ringring lo men ding. Asinan kan peknak thinlungput cu Pathian ih in khihhmuh vekin tangdornak thinlung thawn si thei hram seh.   – Dave  

 Na ttulmi a lo pek vekin pe aw,

Bawipa in a lo duh vekin duh ve aw;

Bawmtu nei lo hrangah bawmtu ttha si aw,

Na hnattuan a dik a si ti theih tiang in.   -Wilson 

Mai’ zawn ruat lo ih peknak cu peknak dik tahfung a si.

(Visited 27 times, 1 visits today)

Comments

comments

Comments

%d bloggers like this: