Hmin Sungah Ziang A Um?

March 18

Tlawngkai Nithum

 Hmin Sungah  Ziang A Um?

Siar: Tirhthlah 11:19-26

Pathian kawh mi nan si bangtuk in nan nunnak ah Amah ih kawh mi nan sinak kha langter uh, tiah ka lo forh.       – Efesa 4:1

Kumkhat Sung Baibal:          Daan. 32-34          Mark 15:26-47

Ka Tuluk hrinhnam hmin in midang hrinhnam hmin neitu pawl thawn in thlei-dangter. Hrinhnam thawn a pehparmi ttuanvo khal i neihter. Hia hrin ka si vekin Hia hrin fehpitu ding le pupa pawl upatnak petu dingah rinmi ka si. Jesuh Khrih ih thiisen ih tlenmi zumtu pawl khal thlaraulam hrinhnam hmin kan nei. Khristian tiih kawh kan si.

Thukam Thar sungah Khristian timi hi a hmaisabik ah Antioch ih dungthluntu pawl ih um daan hminsintu pawl ih pekmi hmin a si (Tirh. 11:26). Hih tuanlai zumtu (early christians) pawl tlunah thil pahnih hmuh ding a um. An thlennak ih kipah Bawipa Jesuh ih thuthangttha an sim (c.20). Hiarhalzet in Paul le Barnabas ih Ca Thianghlim zirhmi kum khat sung rori an zir (c.26). Khristian timi cu “Khrih thluntu,” “Khrih parih koptu” (followers of Christ) tican a si. Tusun ah mi tampi Khristian tiah an ti aw. Kawh ding an si maw?

           Khristian ka si na ti awk vekin na nunnak in Jesuh cu zo a si ti midang pawl a sim thei hngai maw? Pathian Ttongkam na hiarhal maw? Na cangvaih daan in Khrih sunlawinak a coter maw? Maw a hmin ningzahnak a pek?

           Hmin sungah ziang a um?  Khristian timi cu hmin a si tikah a sungah thil tampi a um a si.

                                                                                    Cuih Hmin nei dingin in zirh aw,

Bawipa kan lo hngaklai ah;

Thianhlim lonak le sualnak hrial dingin,

Dik lonak hmuahhmuah sungin tlan suak dingin.

 

Khristian pakhat cun Jesuh hmui-thlam a langter.

Comments

comments

Comments

%d bloggers like this: