Hmin Khumnak Lungto

January 10

Nipi Ni

 

Hmin Khumnak Lungto

 

Siar:

Hebru 11:32-40

 

Kannih khal hi tlukin a tammi thutheitu pawl in mero bangin in kil.   – Hebru 12:1

 

Kumkhat Sung Baibal:

–   Seemtirnak 25-26

–   Matthai 8:1-17

Idaho ram tthen sungih Oregon lamzin hlun kap ah hmin ngankhumnak lungto a  um. Cuih lungto cu kum zabu 19 lai ih nitlaknaklam ah a rak vaitu pawl zaan khat riak an feh ttheunak hmun ah a um.

Khualtlawng pawl in hih hmun lan phah in an feh hngilh lonak dingah cuih lungto parah an hmin an ngan taa ttheu.  Cuticun hmin ngankhumnak lungto cu an raaltthatnak le anmah ciingmang ringringnak lungphun ah a rak cang.

Hmin ngankhumnak lungto ka ruah tikah Pathian biaknak lamzin ah in lan zotu pawl ka mang hngai. Hebru 11 nak ah Gideon, Barak, Samson, Jepthah, David, Samuel pawl ih hmin a ngan.

Kan dung naite ah Pathian biaknak lamzin ih in lantu pawl khal an um. Ka nu le ka pa, ka phun nga lai ih Sunday school i zirhtu Mrs. Lincoln, mino ka silai ih hruaitu John Richards, ka saya Ray Stedman le Howard Hendricks le midang pawl an si. Lungto parah an hmin an ngan lo nain kan ciinken theinak thinlung sungah ngankhum an si.

Hebru cangantu in, “Pathian thu a lo simtu, hlan ih nan hotu pawl kha ciing ringring uh. An nun sungih an umtlan daan le an thihnak thuhla pawl kha ruat saal uhla an zumnak khal cawng uh” (Hebru 13:7) a ti. A thupibik ih in forhmi cu an zumnak cawn ding a si.

Hruai awknak lamzin pawl cu thlun an si,

Pathian a cuantu pawl in;

A hmunmi raaltthatnak in lamzin an khihhmuh,

Nikhat hnu nikhat kan thlun ding.

 

     Jesuh thluntu pawl cun midang pawl kha lamzin dik ah an hruai.

(Visited 26 times, 1 visits today)

Comments

comments

Comments

%d bloggers like this: