Hmancihmi Theihthiamnak

December 2

Zarhpi Ni

 

Hmancihmi Theihthiamnak

                                                           

Bible Siar Ding: Thufim 3:7-20

 

Bawipa in leilungpi cu a fimnak in a sersiam ih,

A theihthiam theinak thawn van cu a hngetter.

 –  Thufim 3:19

 

Theih harzetmi thupolhnak pawl ruah ngurngo khi nuam ka tizet. Thupolh leknak a phunphun: Jigsaws, crosswords, – tivek pawl ih suahpimi thuharsa pawl ih thulehnak cu thutheinak tam neih men lawngin a ngah thei lo. Theihmi thu pawl kha atak in a ttulnak zawnte ih hman thiam a ttul.

Pathian in lei le van tlolakpi cu zianghman um lomi ihsin a sersiam tikah a famkimmi a fimnak le a theihthiamnak zate hmangin a seemsuah a si. A fimnak (wisdom) – theihthiammi (knowledge) hmannak – cu astromomy, biology, geology, le science tivek fimzirnak a phunphun in a langter. Lei le van le a sung um ziangtinkim sersiammi kan zirzoi tikah leitlun ih thupolh (puzzle) harbik hnakin a let tampi in a thuk in a saang sawn a si.

Thlapi (moon) ih hiipnak (gravitational pull) le tipithuanthum tidai kainak (tide) an pehtlaih awk daan hman khi vun ruat hnik! Phengphelep pakhat ih nunnak le rawl hawl daan tla khi vun ruat hnik hmanh! Cun leilungpi cu a axis parah cawl loin a her rero daan le minung nunnak ih sun le zaan umtu daan thawn an pehzom awk daan tla khi ruat hnik. Ziangtinkim ih thulehnak cu a harzetmi puzzle hnakin khuaruahharza hlir an si thluh.

Kan umnak leilungpi ih um zia hrimhrim hin kan Pathian ih mangbangza a fimthiamnak a saan zia le a famkim zia cu a langter a si.

Bawipa, Na tuahmi zate ih Na fimthiamnak na langtermi parah ka lungawi. Ka tuahmi ziangtinkim ah Na fim zia lo upat thiam ih ka nun theinak dingah in bawm hram aw.

Tuih zarhkar sungih ka nunnak ah Pathian in a fimthiamnak a maksak zia ka nunnak ah ziangmi si i hmuhter?

@Ava Pennington

(Visited 38 times, 1 visits today)

Comments

comments

Comments

%d bloggers like this: