Nimthlakau Interview – Van Gyi

Profile

Hmin                         : Van Gyi
Duatkawh                 : Van

Suahni                   : 01 March 1981

Nu le pai’ hmin         : Rev. Dr. Mang Herh le Pi Za Kip Sung

Unau                         : 8

Khua                         : Zongte

Fimthiamnak            : LL.B, M.Div

Tui umnak                 : Yangon [Myanmar]

New Delhi ih CT palai James Biakte cun Salai Van Gyi hmaiton thusuhnak a hnuailam vek hin a nei. Siar nuam!

1)     Kum ziangzat na si in awnmawi lamah ke na rak kar thok?

VG:   Tingtang ka tum thawk si loin awnmawi lam ih ke ka rak kar thawknak hi cu Phun 10 ka awn kum in a si.

2)     Music tum lawng si loin hla phuah khal na thiam zetin kan thei ih, hla fing ziat na rak phuah, zo pawl in an sak..?

VG:   Hla fing 30 hrawng cu ka phuah ve zo. Ka Hla phuah mi hrekkhat tla cu Salai Tuan Ling Thang, Solomon Menrihai, Kurbungbel, Bj, Kunrirak le Salai Ma Ruat pawl in an sak.

3)    Hla/series paziat na tum zo?

VG:   50 a luan ve thlang.

4) Ziang vek music genre/style na uar leh na tum paih bik pawl?

VG:   PAMM

[P=Punk, A=Alternative, M=Modern Rock, M=Metal]

5) Guitar thiam ding ah na rak zir suah daan pawl?

VG:   Van Hup Hmung [Hupte] hnenah Staff Notes Basic can rei lo te ka rak zir dah. Cu lo cu Tape, CD, VCD, DVD le Caukpawl in keimahten ka rak zir.

6) Guitar lam si lo hna dang kaih phah mi na nei maw?

VG:   Farah nauhakpawl kan kil.

Cun, ‘Lawyer’ tla ka tuan thawk rero thlang.

7) Kan Lai awnmawi hmasawn in na hmu maw?

VG:   Hmasawn lawlaw in ka hmu.

8) Hmasawnnak dingah ziangmi pawl a thupi zual?

VG:   Chinmi kan zaten tangrual in zuam sinsin ding hi a si bik ko lo maw….?

9) Guitar thiam dingin forhfialtu/tha petu na nei maw?

VG:   Ka nu le pa, ka unaupawl le ka nupi [Mai Zung Hlei Mawi]

hi si bik ko.

10) Tingtang tum ah feeling nasazet ih neih a tul hran maw?

VG:   Lothlotu in tuhmui a neih a tul maw?

11) Tingtang tum thiam le hlasakthiam pawl cu rittheih thil an tham duh cuang an ti mi teh ziangtin na hmu ve?

VG:   A hlan san ah cu a rak si deuh tla si men thei. Tui san ah cu a si lo. Cun, tingtang tum thiam le hlasak thiam pawl thil an ti mi a sia, a tha in mipi in an rak thei hlehle ih, cunah tla a si phah. Mi menmen in rittheih thil tuah ringring khal sehla an theihpi tuk lo.  Sinan, hla lam tuahtu in vawi khat te a tuah mi an theih/hmuh pang cun tuah ringring vekin a lang theu.

Hla lam tuahtupawl tla minung thotho kan si ih, tlaksamnak tla kan nei ve ko.       Sumdawngpawl lak khalah rittheih thil a tham le tham lo an um ding.  Sibawi lak khalah rittheih thil tham le tham lo an um  ding. Hi mi thu hi cu mah bulpak ah a thumaw in ka hmu. Hla lam tuahpawl lak khalah a tham tla an rak um ko ding e. Asinan, tingtang tum thiam pawl le hlasak thiam pawl cu rittheih thil an tham duh cuang ti mi hi cu a si lo lawlaw.

12) Ni khat ah nahzi paziat sung hrawng music hrangah caan na pe?

VG:   Cu tiih can bikhiah in cu ka pe thei lo. Asinan, ka man can hi cu Awnmawi lawnglawng hi si ko ka ruat ih, ka tuah.

13) Na nu le pa unau sungkhat pawlin music lam ih na pekawk tha an lo pe zet in na thei maw?

VG:   Tha in pe lawlaw. Ka nu le pa, le ka unaupawl ruangah si hi tivek tiang ka thlen thei ve.

14)       Music na atcilh ruangih na can mi thil pawl teh a um maw?

VG: A um hnuaihni ko hokhaw.

15) Solomon le Bj tei unau hla hi nangmah ih tumsak theh an timi hi a dik maw?

VG:   BJ ih Hoilo Par Mitthli le Zaihla Mawi Elbam, Solomon MRH cu Sakhan Nam Elbam sung ta Hla 2 le Hangfim [Acoustic Version] Elbam sung ta Hla 1, cu mi lawng si keimai tum mi cu.  An hla dang pawl cu keimai tum mi an si lo.

16) An hlapawl hi tum harsa zetin kan thei ih harsatnak  na nei maw?

VG:   Solomon MRH ih sak mi, ka tum mi hlapawl hi cu ka phuah mi an si [Hangfim sung ta siar lo].

Hoilo Par Mitthli le Zaihla Mawi Elbam khal kanmah a tumtu ih Arrangement tuah thluh mi an si ih,… tum a har le har lo lam cu …..

17) Kan Laimi sungih tingtang tum thiam na ngaisan mi pawl? Cun, leitlun pumhuap ih na uar mi pawl teh?

VG:   Kan Laimi tingtang tumtu an zaten ka ngaisang thluh hai.       Leitlun huap in cu Dimebag Darrell, John Norum, Ritchie Blackmore, Joe Satriani, Vito Bratta, Jimi Hendrix le Zaw Myo Htut [Emperor] pawl hi si bik ko.

18) Na tingtang rak tum hmaisabik tum na cing lai maw?

VG:   A sun a zan ih tingtang tum ringring [atcilh] kha si ko. Cing lai ko hokhaw.

19) Tingtang tum ih na mualpho caan a um hrimhrim ding… in sim thei kem?

VG:   Sim thei tuk e! Yangon Fanger puai ah Solomon MRH ih Lairam na dam maw? hla kha ‘cin’ loin a sak ih kan tum. Ka tingtang le ‘tunning’ a tla cingcing, ‘cet’ pawl le an tha lo thawn Solo kha kei in ‘line’ khat, Bass in ‘line’ khat a feh si ko. Nan…. hla cem tiang cu kan tum suak thei ko. Heeee

20) Concert ah tingtang tumtu khal phur zetih cangvaih a tul hranpa in na thei maw?

VG:   Tul tuk lawlaw male. Concert ti mi cu mipi in kan performance kha an zoh duhbik mi a si. Hlasaktu le a tumtupawl zoh/hmu duh hlah hai sehla CD [Audio] in iin ah an ngai men ding sisi. Asinan hla thawn milaw in cangvaih thiam cu a tul ve lala.

21) Na hla tum mi rengreng ah hin Vamping hi a tam zetih, a thupitnak ziangha?

VG:   Ka hla tum mi ah Vamping a tam ti cu keimah in Vamp hi ka uar tuk ih, cunah si bik ko.  Cun, kan Chinmi in Vamp ti mi hi kan theihfiang ka duh ruangah tla a si.

Vamp ih a ‘power’, a thupitdan pawl kan theihfiang hnu hi cun Vamp a tel lo si le rawl ei ih ci tel lo vek khi a si ko.  Asinan, hla thawn milaw in Vamp khal hman thiam cu a tul.

22) Nan Band hi Mosquitos Band ti a si ih, a sullam le nan duhsan in sim thei kem?

VG:   SENHRi Mekazin [December 2010 Suah] sungah fiang nawn in kan rak sim dah zo.

23) Laimi lakah Mosquitos Band hi theilotu an um kem?

VG:   Thil famin ziang….! Nang teh ziangtin na ruat? An um na zum maw?

24) Music thawn pumcawm a har pei maw?

VG:   Hi mi thu hi cu mah bulpak ah a thumaw in ka hmu.

25) Nan band members pawl zozo nan si?

VG:   Kita: Van Gyi, Daram: Julian, Bes: Van Van, Khibawt: Tha Khu

26) Ziangtinha lo pehtlaih duhtu pawl hrangah an lo pehtlaih thei

ding?

VG:   vangyimqt@gmail.com

salaimosquitos@gmail.com

Ph: 0973076801

27) Tulai album suak zikte na tum sak rero mi tivek teh a um maw?

VG:   FBC, Maryland [USA] Minopawl, Salai Lal Tin Thang [USA],

Salai M [New Version], Tluang Cung Nung [USA], Kaya Elbam le MQT ih 2nd Elbam pawl si ko.

28) An tam zet  ding nan,  kan Laimi na tumsak mi lakah zawi’h hla ha tum nuam na tibik?

VG:   Aaaa…. Sakhan Nam, Hoilo Par Mitthil [Bj], Lungrualnak Par [Salai Ma Ruat], Ka Bawipai Khraws Lawng [Dorcas Lal Biak Eng] le Salai M [New Version] pawl hi si bik ko, tu tiang vial te ah cun.

29) Na music leitlun ih na sunmang tla theih kan duh bet?

VG:   Kan Chin Awnmawi hi Leitlun pumpi in in buaipi leh tengteng ding.

30) C.T siartu leh na fans pawl hnenah cah duh mi na nei maw?

VG:   Tha in pek mi parah tampi ka lungawi!
K = Kawngsang Khurhnat Phur
M = Mosquitos [MQT]

 

%d bloggers like this: