Hlasak Thiam – Solomon MRH le CT

ewe

Tui tum Mautam Denmark ih concert neih tum ah Solomon Menrihai cu kan palai pakhat in caan tha ah rak la in hmaitawn thusuhnak a nei.

CT    : Na hmin ngai, na nu le pa hmin le na u nau ziangzat an si, khawitak ah an um?

SM    : Ka hmin ngai Solomom Mang Tin Sawn, Pa Van Lal Sak le Nu Cal Lian Zing, unau (7) kan si.

CT    : Khawi tawk ah na suak?

SM    : Falam khua ah ka suak.

CT    : Kum ziangzat na si ihsin hla na rak sak thawk?

SM    : Ka suah pek ah tah aw in ka rak sak zo.

CT    : Hlasak thiam hminthang si dingin forhfialtu na nei maw?

SM    :  Nei ee…Ka thlarau in.

CT    :  Hla na rak sak pekte ahkhan mipi in na aw tha an rak ti maw?

SM    :   A tha an ti.

CT    : Ziangmi hla na sak ruangah laar le mi theih na hlawh vivo?

SM    :    Ram Hla in si lo sawm?

CT    : Hla sakthiam lawng siloin a phuah khal na thiam zetih na hla phuah hmaisabik mi ziang asi ti in sim thei le kan lungawi tuk ding.

SM    :   Na tel ve pei ti a si.

CT    : Cun kan theih duhzetmi pakhat leh cu CD/VCD or khui ziangzat na thun zo?

SM    :     Single Album (3) Sakhawm VCD (8) lai an si zo.

CT    : Aw na thun caan ah ziangmi har na tibik?

SM    :  Mahte tawlrel ih aw thun hi a har ko.

CT    : Cawl lo riai in nazi paziat sung hla na sak thei ding?

SM    :  Cawl lo riai in bang hlan lo ka sak thei ko. ( thusuttu a hni rori).

CT    : Cun lolam zet asinan kan thei duhzetmi pakhat leh cu, aw rem tivek mipi hmai ih cangvaih daan ding tivek na zir maw timi kan thei duh zet fawn?

SM    : Zir ee mah hnak ih thiam pawl sak daan cawngin, fiir si loin kan zirh aw ringring.

CT    : CT. Siartu tampi in na aw kan ngai ih tha kan ti zet…na hla tam sawn hi hla cian/hla rock deuh a si ih ziangruangah hla nemte na sak tuk lo?

SM    :  Hla nem sak an um ih thinlung phorhsuaknak rock hlasak tu kan um ve tinak si ko lo sawm?

CT    : Mi thenkhat titi kan theihmi pakhat cu Menrihai aw mawi zia cu an ti, asinan a aw a fiahlo zik theu tin an simmi kan thei ih na aw fiah deuh dingin na rem tum maw…asilole fianglo deuh ih na sakmi kha a uartu an tam zet ruangah na tthim tum cuang lo ha…?

SM    :  Aw fiah cu a tha ka ti, aw fang hi a hla i zir in remcang dingin kan sak.

CT    : Asile, sumpai bawmtu tha nei vivo awla ziangtluk in awnmawi/ hla lamah hmalaknak na nei tum?

SM    :   Ka fehnak lam tluanah bawmtu an um cun ka rang deuh lo ding sawm?

CT    : Kan hngilh zik dengdeng…insangnu na nei zo maw?

SM    :   Fanute ka nei zo.

CT    : Aw, pakhat kan thei duh leh…Kan Chinmi hlasak thiam tampi lakah zo na uarbik, na ngaisangbik mi…ziangruangah na ngaisang,ziangruangah na uar timi khal in sim tel aw…?

SM    :  Salai Tuan Ling Thang si bik ko, A Lai hla in a tu ah kei tla lai hla saktu ah in can a si.

CT    : Asile, hla ih thupit zia pakhat ten in sim ta hmen…? Hla ih sunlawi zia.?

SM    : Hla a ngaina ih a duhtu hi mi ih porhmi an si ringring.

CT    :Kumziat tiang hla na sak tum…?

SM    :  Kum khua tiang.

CT    : Hlasak thiam pawl in Pathian hla le Love song an sak kawp hi ziangtin na ruat…a tha ko maw…kawp hnuaihni lo sehla timi na lungkimpi ve maw?

SM    :   Kop a poi sa lo pawl hrangah a poi lo, Pathian biak le thangthat lawng a duhtu in sak cio ko seh ti aw….

CT    : Tui Denmark nan rak daan thutawi in sim aw he…?

SM    :   Pathian in pek mi aw le hla in Mautam hrangah ka tel pi ve.

CT    : Chinmi pawl hi hla lamah kan tawk zet in na hmu maw?

SM    :  Kan tawk nasa, Asinan kan tawk bik lo…

CT    : Hruaitu upa pawl in ziangtin an tuah asile mino tampi in hla lamah harhtharnak kan nei ding tin na hmu?

SM    :  Mi tampi hrang sim hlah a um sun hlasak pawl hman an siatnak sawn hawlin an rel siat sawn si lo sawm?

CT    : Na hnihsuak zet ding nan leitlun ah hla timi rak um lo sehla ziangtin na um ding?

SM    :   Ka rak suak lo ding ka zum.

CT    : Leitlun ih nuam na tibik caan le har na tibik caan in sim aw?

SM    :   Ka nu pi le ka fanu thawn um hi ka nuam awk bik, le miporh awk pawl kiang ih um hi har ka ti bik.

CT    : Hi, na thuhla a siartu pawl hnenah ziangmi cah duh na nei?

SM    :  Ka sut sawn duh…. Unau na dam maw?

CT    : Mi tampi in an thlir reromi kan CT na rak thlirve maw? Ziangtin na ruat?

SM    :  Siar ee…Lai mi le Laica a hnget tertu nan si…

CT    : Zu le kuak rittheihthil pawl in “aw” a ti siat tin na ruat ve maw?

SM    :  A siat ter tiin ka hmu, kei mah in ka tawng.

CT    : Hla na sak tikah ziangtluk feelingnak na nei ve?

SM    :  Ka thlarau tiang an hmu dingah ka ruat.

CT    : Na caan sunglawi in pek ruangah kan lungawi tuk.

SM    : Chinlandtoday ka lungawi.

 

%d bloggers like this: