Nimthlakau Interview- Mai Lal Hruai Eng

CT Palai & Mai Lal Hruai Eng

Salai Hngak Lian Eng le kan CT palai cu Engte tei inn ah leng in Falam Youth Icon ih pakhatnak a ngahnak thu kawmawk phah in an sut. Himi an suh phah in niciasih an ei khawm ih zan nazi 10:00 tiang an sut.

CT      : Laksawng na ngah mi ziangtin na hmang?

Engte : Sawm ih pakhat ka pe hnuah Tahan nu thlacam pawl hrangah Ks10000 ka pek ih hleiah thinlung duhsaknak lawng siloin thlacamnak thawi i bawmtu kan Kawhhran mino PYF hnenah Ks20000 ka hlan. Titlaklote asinan ka lungawizia langternak hrimhrim ah ti’n ka thinlung diriamnak ah ka laksawng dawnmi semdarhnak ka nei.

CT      : A hrimhrim ah hla zohlo in na sak theimi fing ziangzat hrawng a si pei?

Engte : Ningzakza asinan, ka sim a tul fawn, hla hi fing (10) fang lawng so khaw zohlo in ka sak thei. Ka zuam rero.

CT      : Kan Chin hlasak thiam hi kan khirkhok/hot tawk pam na ti maw?

Engte  : Himi zawnah ka ruahnak pakhatte ka sim duh ngai. Kan ni Chinmi cu mirang tong kan sang duak ding ih kan “passive” kan “hot” lo tuk in ka thei, Kan sinak thawn amilawk lo nan nonawn hlasak thiam pawl cun mipi lungawi zawng kan tuah thiam a tul in ka hmu ih hleiah mipi ttihtuk loih kan cangvaih deuh atul in ka hmu. Culo ahcun thinlung huphurhnak sal sung ihsin kan luat thei lo ding ka zum. Curuangah ningzaklo in hla kan sak tikah kan hla sakmi bangin action/ laam phah deuh thiam sehla a mawi sinsin ding.

CT      : Hlasak thiam pakhat si ding ah aw-rem a tul ngaingai na timaw?

Engte : Aw-rem hi atul zet in ka thei. Uar deuh ih sak tivek le mawi ding ih theitawk aw feh daan mawi zir tipawl hi thupi luar cuang in ka thei.

CT      : A mailozet nan leitlun tihlimtubik ah tlangval na nei maw?

Engte   : Haaa, ai cuvek ka sim ngam ding maw….taktakten, ka hrihlo in ka thei aw.

CT      : Ziangtikin hlasak na rak thok?

Engte   : Ka nauhak Sunday School kai lai ihsin kutsih phahten ka rak sak zo.

CT      : Ehe! Cucu tlangval pawl in ruahsannak an nei ding, Na lungthlitum tlangval in sim hram? Zangfahten?

Engte  : Ka ziangkim theihtheh nan tum a bang, a canglo ding ee…Aw! mikip ih an ti hluarhlo vek; cathiam le ruangrai tha, mipa tak hi tawk ka ti zet ko.

CT      : Icon zan ih sumpai le capi na dawnmi hleiah thil dang na dawng maw?

Engte  : In sut fuh nasa. 1st Price, Ks.200,000/- le capi asi.  Himi hleiah kan kawhhran Tahan Emmanuel Presbyterian in sunlawihnak / lungawipinak capi in pe bet. Cun, ka rualpi pawlih in lungawipizia pawl ka hmuh tikah ka laksawng dawnmi cu laksawng a si ih ka rualpi unau pawl ih lungawizia hi ka laksawng diktak a si sawn ka ti.

CT      : Cu lamcu tawk hrihseh, na thin aithok ngaingai ding. Thil dang kan lo sut ding. Tahan D group pawlcun Icon hla na practice ringring an lo ti ih hleiah nan veng hnen pawl in na hlasak mi an by-heart theh zik an ti?

Engte   : Culala, thu nan thei tuk. Asi ngai, zantin Icon ka tel hlan cu ihzik tinten ka sakih veng hnen pawl in zohlo khalin an sak theh thei ngai ding ka zum.

CT      : Kan ni cu thil lolam tete kan sut duh theu. Na rawl hmeh duhbik miangmo?

Engte  : Voksa.

CT      : Leitlun ih na ttihbik mi?

Engte  : Hminsiat.

CT      : Leitlun ih na lungawibik caan teh?

Engte  : Icon zan hi asi rori.

CT      : Netabikah Khristian sungkua dinhmun ihsin ziangmi zumtu pawl na cah duh?

Engte  : Kan thinlungput fiak tukmi le mai hamthatnak lawng ruahnak pawl hi hrial thiam hramhram sehla ka duh.

%d bloggers like this: