Hmailam Hrangih Thazaang Thar Laaknak

July 5

Tlawngkai Nikhat 

Hmailam Hrangih Thazaang Thar Laaknak

 Siar:

Matthai 14:13-23 

Miseenpi a tlunter hnu ah Amah lawng thlacam dingah tlang parah a hung kai. Khua a siim thlang nain cutawk ah Jesuh cu Amah lawng a um.   – Matthai 14:23

 Kumkhat Sung Baibal:

–    Job 30- 31

–    Tirhthlah 13:26-52 

Ka rualpa in a kawhhran hruaitu retreat an tuahmi thu i  sim. Hruaitu pawl hmundang ah ni hnih sung thlacamnak, hmailam tumtahmi ruahrel tlangnak le biakkhawmnak an nei. Ka rualpa cu thazaang a ngahzet ih a tha tla a thozet. Himi retreat in kan Church ministry hmailam fehnak ah in bawm taktak ding a ti.             

Hmailam fehnak hrangih retreat tuah timi cu hnihsuakza a bang nain a dikzet. Vei khatkhat hmailam feh theinak ding hrangah dungkir tahrat in kom awk saal a ttul. Himi hi Pathian thawn kan pehtlaih awknak hrang khalah a dikmi a si.           

Amah Jesuh rori khal retreat a tuah kan ti thei. Galilee tili kiangkap hrawng ih man lozet le buaizet ih hna a ttuan hnu ah retreat tuahnak caan a laak. Miseenpi a tlungter hnu ah Amah lawng thlacam dingin tlang parah a kai. Khua a siim thlang nain cutawk ah Jesuh cu Amah lawng a um (Matthai 14:23).           

Cakzet le rangzet ih a feh reromi leilungpi ah hmailam feh daan ding thu ruat in kanmah le kanmah thin baangzet ih tuah awk a olte. Hmanseh a hlawhtlingmi Khristian si kan duh ahcun Pathian thawn pawlkom awknak hrangah caan laak a ttul. Amah ih pekmi thazaang thawn Amah hrangah riantu kan si thei ding a si. Hmailam na feh hlan ah Jesuh  thawn caan laak hmaisa ta aw. – Bill Crowder 

Nunnak ih kan tonmi sawm-ngiarnak le,

Hniksak harnak pawl neh dingah;

Bawipa in Amah thawn caan laak ding in sim,

Cawl, hngak, in thlacam ding.  – Sper 

Pathian thawn pawlkomnak ih caan laak cu,

hmailam fehnak hrangih thazaang a si.

 

(Visited 23 times, 1 visits today)

Comments

comments

Comments

%d bloggers like this: