Hmailam Falam (Thlirnak)

Hmailam Falam (Thlirnak)

By: Lungbawk Brother

Kawlram 2010 hrilawk theh in Rampi huap in thlengawknak tampi hmuh ding a um: Ralkap cozah ihsin mipi cozah ah, thawngtlak Suu Kyi ihsin MP Suu Kyi ah, politics thawngtlaknak ihsin zalennak lamziinah tiin rel ding phunphun a um.

Kawlram sung um Chin mi lak khalah thlengawknak tampi hmuhding a um ve. Ahleice in CNF thawn pehparin thlengawknak a umih, an cangvaihnak ruangah kan Chin mi lakah politics lam thangphawknak nasate’n a thleng.

Cumi thlengawknak pawl cu CNF in Kawl cozah thawn remdaihnak a tuah hnu ah a cangmi an si. Hlan deuh ah CNF cu Hakha-Thantlang ta vekih ruat asinan, tu ahcun Chin mi pengdang lak ihsin a telpitu an um vivo. Cumi lakah, Falam le Tedim lam upa pawl cu hruaitu lam dinhmun tiang thlengban in an telpi ih, tufang CNF hotu cu Falam mi a si. Cumi lo Mindat, Matupi le hmundang khalin an telpi. Hotu Falam mi a si ruangah hlanlai ihsin Falam mi cu Chin mi hruaitu, Khaipa bik kan si kan ti rero mi a pehzulh rero lai timi ruatnak khal a um thei ve mi a si ko. 

Culawng si loin, Kawl cozah thawn remdaihnak hrangah CNF in hmin a thu vete’n Pu No Than Kap ih hruaimi CPP le Pu Cin Sian Thang ih hruaimi ZNC khalin CNF thawn hnatuantlang rualpi (Political alliances) an tuah cih, tiin Globalchinnews in a sim. Cumi pawl cu CNF in Kawl cozah thawn remdaihnak a lak ruangah CNF sungah le CNF thawn pehparih a cangmi pawl an si.

CNF lenglam Chin mipi lakah politics lam tharthawhnak a um ve rero. Politics lam hawiih mitmen kan thiam phah vivo thlang. Ahleice in Falam mi lakah cuvek thangphawknak cu hmuhtheih a si. A itthat rero mi Sahrang a thangharh kan ti ding maw? Cutin Chin Affairs tla kan din thei. Kan Falam mipi an lungrual zia, an phurdan zia pawl langternak pakhat khal a si. Tuvek thilcang hi a um menmen loih, awlte’n a um sal nawn lo men ding.

Cutin, Falam mi cu politics lamah kan thangharh ko nan a hram kan thawk dan hi a duhum tuk lo. Falam mi hmunhnih ah kan then awk vekah a cangih CNF sung ihsin a telpi tu le telpi lo tu tiin kan si. Hitin kan thenawk mi hi kan lungrualnak in siatsuahtu si lo ding hi a thupi tuk. Curuangah, kan bangawknak hmuhthiam a tulih hnatuantlang dan kan hawl a tul.

Falam mi zate’n kan theih ding a thupi zet mi pakhat cu: Hmunhnih ah kan then-aw ko nan ‘a bangaw mi lungput pakhat’ kan nei. Cumi cu, CNF ih teltu siseh tellotu khal in siseh “kanmah Falam aiawhtu dingah midang zohman kan duh lo” veve mihi a si. Phundang in kan sim asile, “Falam mipi aiawhtu cu Falam mi sisehla Hakha mipi aiawhtu cu Hakha mi siseh” tihi a si.

Cuti vekin kan thuhla cu midang ih relsak men kan duh lo asi ahcun, Kawlram cozah le Khawvel cozah in kan “Aw” in thei seh tiin kan zuam rero ding a tul a si. Hmunkhatte’n ‘Awkhat’ kan suahtlang a tulih, cumi hrangah Chin Affairs a rak dingnak tla a si. Cutiin hmunkhat ah kan tangrual ih hmualneizet in hna kan tuan thei lawngah, Falam thuhla cu miih relsak men loin, Falam mi rori in lai kan rel thei ding a si.

Thungai te’n Falam thuhla Falammi kutah um dingih zuam rero timi cu politics lamah kan tlai nasa ti nak tla a si. Himi level cu pengdang unau pawl an feh rero zo a siih, kan nih cu kan thawk pek lai. Curuangah, midang karkhat an kar le karhnih kan kar a tul timi kan thei cio ding ka duh.

Tufang hi, Falam mi kan lungrual a tulbik lai can a si ka ti le zohman in elsiang ding ka zum lo. Curuangah, zo a diksawn, zo a caksawn, zo tuahdan a tha sawn tiih doawk rero ding kan si lo. Cumi cu tikcu in a fiangter leh ko ding si.

Thinsau te’n kan hngak cio pei uh.

(Visited 155 times, 1 visits today)

Comments

comments

23 Comments

  1. Himi cu..

    Falam mi zate’n kan theih ding a thupi zet mi pakhat cu: Hmunhnih ah kan then-aw ko nan ‘a bangaw mi lungput pakhat’ kan nei. Cumi cu, CNF ih teltu siseh tellotu khal in siseh “kanmah Falam aiawhtu dingah midang zohman kan duh lo” veve mihi a si. Phundang in kan sim asile, “Falam mipi aiawhtu cu Falam mi sisehla Hakha mipi aiawhtu cu Hakha mi siseh” tihi a si.

  2. Falam pawl lungruallo bik caan tluk lo tu an tampi lai ko.

  3. Pawlkom din cu a olzet nan reipi ngai kan awh lo theu cu teh.

  4. Hmailam Falam (Thlirnak) a tha tuk.
    Ka rak siar zet.

  5. CT ah Lungbawk brother ih cangan vei 2 ka siarnak si.
    Tha nasa.

  6. Chin Affair kha rin an tlak pei maw?

  7. Lamzin pahnih vial ah kan thenaw lo ding…hmun tampi ah a si ding…

  8. Hivekih thlirnak kimcang ngan thei kan tam lo ding.

  9. Sahri Vaithun says:

    A thuhla cu a tha khop mai.
    sinan Chin Affair kha a daih rei pei maw ti mi te lawng si ko.
    Falammi pawl cu policy tha zetzet thawn pawlkom din kan hmang tuk.
    A tuan suak taktaktu le pumpetu taktak kha an um leh lo theu cuh.

    Hakha pawl cu Falam thawn tahthim ding an si lo… an lung a rual thei em.
    Falammi.. thil ti thei deuh an um le anmai innsang hrangah a feh.
    Hakha pawl cu pawlkom ah an lutter, khua le ram le miphun hrangah an hmang.
    Falam pawl cu Hero si an duh tuk.
    An hmin langnak ding a si lo ahcun zianghman an tuah paih ngaingai lo.
    Cunah si kan tlakniam deuhdeuhnak.
    Si lo maw?

  10. Thlirnak na nganmi pawl ka rak siar ringring. Ka lungkim thei zet. Na ngan kim theizet fawn. Hivek ih thlirnak tuah thei kan tam lo ding.

    CNF rak din thok daan kha Pu No Than Kap in Hruaitu ih interivewnak ah hitin a rak sim…

    HT: CNF rak dintu pawl zo an si?
    NTK: (1) Pu Tial Khal, (2) Pu Lian No Thang le (3) Ro Enga pawl an si. A hnuai ah siarbet ding a um.
    http://chinlandtoday.info/hmaiton-thusuhnak/dr-no-than-kap-le-hruaitu/

    “Falam mipi aiawhtu cu Falam mi sisehla Hakha mipi aiawhtu cu Hakha mi siseh” tihi a si, na timi kha a fiangzet ko.

    Kan ni pawl hi lungruallozet in kan ruat aw theu cucu kan rak lungrual tuk ringring ruangah cumi thlarau a hlo ding kan phan tuk ruangah tla a si. Culawng siloin tuini tiang kan feh dan kan zoh asile fiangte kan hmuh thei mi cu lungrual tulnak ahcun kan lung a rual vialvo ringring lai a si ti kan hmu thei.

    Chin Affairs pawl hi kei cun ka ruahsan zet. Kan mipi zate hrang ruahsannak thar ti tla in ka hmu ve.

  11. Japan Thaihliak says:

    Rualpi pawl,

    Kawl tongfim ah, nei lo hnakin theihlo a buaithlak ti a c ih, Baibal sungsh theihnak an nei mal ruangah an tla sam timi kan hmu thei. Falam mino tamsawn cu ahleice in politics lamah kan hmuhnak le theihnak duhthu sam lo z asi. tamsawn cu hlaral ihsin thei leca siarnak fangin kan thei. Practical in a sungih lutcilhtu kan mall z .

    Chin affairs hi party,township politics ah rawlh aw a tumlo sokhaw.Falam mino pawl ih ca kan nganmi, kan ruahnak, thlirmi pwl ka zoh rero sal tikah, tuhnakin a let tampi kan zuam atul lai in ka hmu. Phahniam tangdawr tuk dng khal asilo ih over confi aw tla a tha fawn lo.

    Jp Thaihliak

  12. Japan Thaihliak ti aw pate,

    Nangmah tla in hivek in view tuah ve awla.
    Kan hlawkpizet ding ual.

    Na thiam ngai le…

  13. Siar a man hlu tuk Aw..Innsung ihsin inleng suak vek si…Hnah vihawng mi vek rori asi..

    Henry S

  14. Japan Thaihliak says:

    Ceute,

    Japan Thaihliak cu cirhti/tikua kiangkap ah a um tlangpi theu ih cunah na va feh ta maw si???Hee….heee…

    Cafung hming dangdang hmangin kum 13 sung ka ngan rero zo sokhaw…..tulai cu rual le nau pawl ih nganmi a siar lam in tan ka la.

    Can remcang le a tul dan in ka rak ngan leh pei cu ti law…..

  15. Kunglai, ka lungawi tuk. Ka thei duh zet mi thuhla si. Lungrualnak kan lak ah krah vingvo hram seh!

  16. Lairamsawkhlei says:

    Hivekih tlangparh tak le fiangfulfo ih thu sim awk cu kan tam
    lo ding..siar a man hla in ruahnak kau pi mi a pek..a t’ha tuk.

  17. Lai Nun Mawi says:

    Maw, FaLam ka mi lasa nang le kei then awkin ram dang2 ah
    um hman ningla kan misen hrangah cun kan tangrual ke aw!
    FALAM MIPI AIAWHTU CU FALAM MI SISEH.

  18. Ka u BroTher na ca tial mi cu ka uar tuk.ka lung kim hna sa.Nang mah ban tuk thin lung hi kan chin ram nih a herh ko.chin miphun kan lung rual hi a herh tak tak.Hakha,Thantlang,Tidim,falam,matupi.kanpalet,palewa,mindat hna hi kan lung a rual lo cun,Kawl Baw rual nih an ek an kan deh ter peng rih lai hih.pengtlang ah buai ding si lo.kan za te in Chin mi phun kan si.WE Are ONE IN CHIN ti hi zei tik hmanh ah philh hna hlah u sih.Kan Chin mi Kan lung a rual lo cun,kawl baw co zah le Kawl Baw Ral Kap pawl nih,an ek an kan ei ter tak tak sual lai.Chin mi lung fim kan za cang.

  19. Chin Pa,

    Lungrual na duh ngai le Hakha pawl kha thaten um hai seh.
    Mi thil vek lawnglawng lon tum hlah haiseh.
    Falam pawl in Hakha thil a long or lon a tum ti a um dah lo kha.

  20. Ka unau Falam hrekkhat pawl hi ca na tial tikah Falam min pu deuh longin le Falam mi lungrual khawhnak ding longin ca nan tial tawn i Laimi huap in riantuan le lungrualnak tuah nan i tim rua lo i maw asi hnga!! Na’n nan mawh ve lo. Mah le chuahsemnak khua peng le tlang cu tanhphung asi ko. Laimi kan si kan ti ko zongah kan peng le kan tlang cu kan tanh deuh cu a rak hua rengreng. Asinain, kan peng le kan tlang kan tanh ruangah Laimi unau dang Pengtlang kha ral ah ser(huat) ding an si lo.

    Kei cu Hakha le Falam ah ka buai lo Laimi ka si ah aza.

    “Falam leh Hakha tihi a thupi maw? Laimi na si cun tawk ko lo maw?”

  21. @ Laimi,

    Hakha le Falam ih buai Falam mi cu mi malte lawng an si sokhaw. Cumi khal cu mi pakhat ruang men ah a si. Kan rualrem aw thei vivo ko ding.

    Falammi pakhat in Falam hrangah ca a ngan mi cu thil sual a si lo. Cumi a rak ngaih lotu le a rak hmu thei lotu sawn kha sokhaw buaipi ding sawn cu!

  22. Japan Thaihliak says:

    zozo khalin kan tong tikah le ca kan ngan tikah Laimi or Chinmi zate lungrual thluh thei ding cu kan duh cio in ka hmu ko. Asinan, minung kan si vekin tlaksamnak mel le tam in kan nei tin kei cun ka pom, nitin kan kan cangvaihnak ks zohsal tik ah hin.

    Jp Th

  23. Na article ngan mi tha tuksss.
    Chin Affairs cu hruai tu pawl ih an sim dan vek asilen
    Haka – Falam tivek ah an buai tum lo nasa.

    Haka, Falam ti cu khua hming si ual…
    Falam ti aw rero lai pawl ca nan ngan tik ah
    it that phah ih tong aa rero tla nan bang phahphah…

    A tuan thei tu ih tuan mi kha support ding c ko..

Comments

%d bloggers like this: