Hmailam ah Tlan

May 24
Tlawngkai Nili

Hmailam ah Tlan

An zate in an zoh ih culaifang ah mizeng pa cu a tho; a ihphah a laak ih zamrangzet in a feh. An zate in an mang a bangtuk lawmmam ih, “Hi bangtuk cu kan hmu dah lo,” an ti ih Pathian an thangtthat.
– Marks 2:12

Bible Siar Ding: Marka 2:1-17

Ka nunnak a thirtertu thil pakhat a um tibang sehla, cumi cu hih thu hi a si ko ding: “Hi bangtuk cu kan hmu dah lo” (Marka 2:12). Hih ttongfang hi mizeng pa Jesuh in a damter hnu thlun ih a hmutu mipi pawl ih ttongmi a si. A rualpi pali pawl in mizeng pa dam ding an duhtuk ruangah inn luanglu boh tahrat in an vun thlak (Mark 2:4). Jesuh in a damter, “hmakhat te’n a tho, a ihphah a laak ih zamrangzet in a feh” (c. 12).

Cumi cu mipi pawl in an zum theinak dingah mangbangza thilcangmi thupizet a si. Jesuh in, “Nan zum ngaingai ahcun thlacamnak thawn nan dilmi hmuahhmuah cu nan ngah ding” tiah a ti (Matt. 21:22). Kan hnenih hivek ttong mawizet a ra thlen theinak hi mizeng pa Jesuh in a damter ruangah a si. Hi tawkah thuanthu mawite kan hmu: Zaangfah zawnruahnak thawn a khatmi mi pali pawl in saangka le innsung ah mipi an khat ttheh cingin mizeng pa kha Jesuh hnenah ngah ko in an thlenpi. Tuni ah tla Jesuh hnenah fehpi ding mi dam lo tampi an um ding.

Mipi in, “Hi bangtuk cu kan hmu dah lo,” an ti ding tlakin tuni zumtu pawl in thil pakhatkhat kan tuah a ttul ding. Pathian in zumtu pawl daiziar ih kan um men ahcun a diriam thei lo ding. A saangbik rawlcuam, “sim cawk lo tiangin a tummi Khrih ih lennak” cu kan hrangah in on sak (Efesa 3:8). Pathian in vanlam sinak dinhmun ih kan thlen ding in duhsak, curuangah kannih cu sersiam thar mi famkim kan si (2 Kor. 5:17). “Milai ih taksa cu san a tlai lo” (John 6:63). Paul in, “Mi pakhat minung sinak ih a ukmi cu Pathian ih raal a si, ziangahtile Pathian ih daan a thlun thei lo; a thlun duh lo lawng si loin a thlun thei lo” a ti (Rom 8:7). Kan leitisa minung hlun kan thihter ih thawhsaalnak huham kan theih ahcun colhdamnak, zumnak, lungawinak, thlangam daihnak, thluasuah le kumkhua nunnak sungah kan thleng ding. Pathian sunglawi seh!

Bawipa in Amah theihnak le vanlam huham ih tonghthamnak thar in pe hram seh! Amah ih umpinak in kan minung hlun in hnin in, Amai’ nunnak thar ah in hruai seh! Amah hnakih in duhdawtu le in zawnruattu midang zohman an um lo. Amah cu zaangfahnak in a khat ih a thuthluntu pawl cu a cosaang ringring a si.

Pathian ih tawlrelnak maksak in A hlawnthil mankhung retnak sungah lut dingih in sawm tikah mi tampi cu saangka ah an ding ding.

@ Smith Wigglesworth

(Visited 21 times, 1 visits today)

Comments

comments

Comments

%d bloggers like this: