Hmai zarh sungah ‘Falam’ hla online ah free in an thlah ding

Salai Lal Nun Uk

Hmai zarh sungah Falam kum 125 puai hrang hlapi ‘Falam’ hla cu online ah a lak in an thlah thlang ding thu theih a si.

“A tum kan theh. A sak tla kan theh ti ding si ko. Tu hi Falam lam ih zuk tete kan hngak lai. Tui’ tlawngkai ni thum hi edit duty kan la. Hmai zarh sungah online parah free in a thleng ding ti zumnak kan nei. Hla timtuahnak hrang banghman zianghman kan lak lo. Himi hla te thawn kan zaten kan tlung khawm pei uh ti sawmawknak ah kan hmang duh” tiah ‘Falam’ hla tingtang tumtu Salai Cung Aung in a sim.

‘Falam’ tin hla thulu a pekdan thawn pehpar in hla ngantu Salai John LsL in “Falam ah na suak lo thei. Falam ah na thanglian lo thei. Falam na thleng dah lo men thei. Sinan Falam timi thlahnuai tangah Falam sinak na nei ve. Falam ka si kan ti awk theinak dingah ram le peng le hmin neimi kan si. Vaivuan ih vakvai rero men kan si lo. Pumcawmawknak ruangah hmun dangdangah cun kan thleng ding. Nan mi vaivuan men kan si lo. Miphun le ram timi then a theih lo zia langter ka duh. Hla thoknak ah tla minung lakah minung pakhat sinak in neitertu ti a si” tiah a sim.

Awnmawi tumtu pawl cu Desert Rose Band an si ih Mai Sung Tin Par, Mai Ma Kim, Dika, David Lai, le Israel VSL pawl in an sak.#

Comments

comments

Comments

%d bloggers like this: