Hling le Pangpar

June 23

Tlawngkai Nithum

Hling Le Pangpar

Siar:

Tirhthlah 14:1-22

Pathian Uknak sung lut ding kan si ahcun harsatnak tampi kan ton ding hrimhrim a si.  -Tirhthlah 14:22

Kumkhat Sung Baibal:

–   Esther 9-10

–   Tirhthlah 7: 1-21

Pathian in tthaal-tir ruah khop tein a surter ruangah kan hmuancar ih buttercup timi pangpar pawl cu mawizet in an par. Thlalaak ka duh nain a ciarzetmi leilung parih an kho ruangah ka feh thei lo. Nikhua ttha sunhnu veikhat cu buut kedan ka dan ih hramlak rose pangpar le beri kuang pawl lakin harsazet in thlalaak dingah ka feh. Thla ka laak hlanah ka ke cu ciarbeek in a khat thluh, hling in a rin thluh, fikfa vek mikeu thei pawl ih keunak thawn a khat ttheh ko na’n buttercup pangpar ka hmuh tikah caan tawite sung ka tuarmi cu a manhla ko ti’n ka ruat.

Leitlun sualnak ram ah hniksaknak le buainak cu nunnak ih ton lo theih lo an si. Hniksaknak lakih pakhat cu hremtuarnak hi a si. Dungthluntu pawl khal in cuti’n an ruat ve. A thluntu pawl hrangah Jesuh in thil ttha tampi a nei ti cu an thei ko na’n thuthangttha an sim tikah harsat le dodalnak an tong (Tirh.14:5).

Pathian ih lamzin a hriltu le harsatnak a tongtu kannih khal “A thupi deuhmi laksawng kha tumtah sawn ding a si” (1Kor.12:31). Cuticun ttihnung le harnak ton caan hmanah kan taima thei sinsin dingih Pathian ih thlangam daihnak, zaangfahnak le ngaithiamnak thlazuk mawite midang pawl kan hmuter thei ding. Hmailam ih kan co dingmi lungawi nunnomnak in caan tawite sung harsat kan tuarnak a manhlater ding. – Julie Ackerman Link

Zaan caan thlen ding a fiang tlukin, harsat tuar ding a fiang,

Sun caan thlen ding a fiang vekin, harnak an liam ding;

Cem ni nei lo lungawi nunnomnak co ding a fiang sinsin,

Vancungram kan thlen tikah.     – D. De Haan

Leilungtlun – hniksak tuarnak ram;

vancungram – lungawi nunnomnak ram.

(Visited 23 times, 1 visits today)

Comments

comments

Comments

%d bloggers like this: