Hleice Dawtnak Ni

“HLEICE DAWTNAK (NI)”

Hleice dawtnak ruangah maw,
Tuukhaal ttha ka si a ti aw tu cu,
Raithawinak Tuu fano ah cang in,
Luruh tlangah thih/thawinak hlan tuar ee.

Hleice dawtnak ruangah maw,
A thlan thisen luangsuak cu!
Amah le amah ti kawlawng aw in,
Duhhrilnak sangbik kanhrang a hlan cu!

Semmawng lai caan TV sung tuanthu,
Lemcangtu pa zangfah ah,
Hnawiza hnuuk in luaithli thawn ni ttung rau maw!

Zoh ngam hlah-ing, a cuih tuarnak maksak cu!
Ka hna phit ee ngai ngam loin Cross parih au-aw (7) cu!
Hmanseh a thang sinsin sungmuril sung pemin,
A cuih ni hleice ka hrang luatnak ni cu!

Hleice dawtnak hlan a si ni, Good Friday an ti maw!
Hmun (7) in thisen a putmi a taksa,
Mangbangza leitlun ah thilmak (7) tiangin thleng maw!

Thangtthat lo in um thei hlah-ing ee,
A cuih ka hrang hleice dawtnak neitu cu!
Tharthawh sal maw Christian miza thinlung ah,
Lungawinak hlanin thangtthat hai maw,
Leitlun mizakip luatnak a cuih ‘Ni Hleice Ni’ cu!

Ronnie Zi Tlen Thiang

(Visited 49 times, 1 visits today)

Comments

comments

3 Comments

  1. zo in a lo bum?Bible ih tuah ter lo mi cu nangmai ruahnak men in tha ti hlah .Roman le Hebrews calendar a bang aw lo so khaw.na mit a caw maw si.Bible in thu lung lo pa tiah a lo ti ding Math 7:21-23

  2. Na ti tha tuk….
    ka siar ngah ih ka lungawi tuk…:)

Comments

%d bloggers like this: