Hlawknak Thlirtu Minung Thinlung

15178225_1243054732418475_1595747386418911466_n
Hmun dang ih khual a tlawng mi pacang pakhat cu an khua ih a ra tlun sal tikah a inn a rak kang rero ti a hmu. A inn cu an khawpi sungih inn mawi bik pakhat a si. A inn cu an khawpi sungih a duh bik mi inn khal a si. Mi tampi in a man ih let hnih in lei an dil ttheu. Asinan ziangvek man tam ih lei khal a rak siang lo. Asinan tu ahcun a inn cu amai’ mit hmuh rori ah a kang rero thlang. Minung thawng tampi an ra suak khawm nan, meisa a hliau tuk zo ruangah zianghman tuah theih a si nawn lo. Curuangah a riah a se zet.

Cumi lai ah a fapa pakhat a ra tlan ih, a hna kiang ah dimte’n, “Na thinhar hlah, Papa. Mizansun ahkhan man khung zet in ka rak zuar ngah zo. In zilhnak a tthat tuk ruangah lo hngak thei lo in ka rak zuar mai. In ngaithiam aw,” tiah a ra sim.

Cutikah pacang cun, “Pathian a va ttha em! Kan ta a si nawn ual lo,” a ti ih a thin a hahdam sualso. Cuti’n midang thawng tampi vek thotho in inn kang cu daite’n a zoh thei thlang.

Rei lo te ah a fapa pahnihnak a ra tlan ih a pai’ hnenah, “Ziangtin si thlang? Kan inn a kang rero ih, ziangah na zoh cuahco men?” tiah a ra sut. Cutikah a pa cun, “Na thei lo maw? Na u in a rak zuar so si lawm,” tiah a sim.

A fapa pahnihnak cun, “Man tawdap (advance amount) lawng si lawm kan lak lai. A zate’n in pe thluh hrih lo. Tu ahcun in lei duh nawn ka zum nawn lo,” a ti sal.

A hul zo mi a pai’ biang ahcun mitthli an rung luang sal ih a thin tur a cak zutzo lala.

Cumi lai ah a fapa pathumnak a ra tlan ih, “Kan inn leitu pa kha a ttongkam ih dinghngettu pacang a si. Tu ciah hi amai hnen ihsin ka ra. Anih cun ‘Inn a kang khalle, kang lo khalle, ka ta a si zo. Ka lo tiamkam cia mi inn man cu ka lo pe thotho ding. Inn a kang ding ti cu nannih in siseh, kei in siseh, kan theih cia mi a si lo’ a ti,” tiah a ra sim hai.

Cu thluh cun an pafaza in an ding ih thinharnak um riai lo in inn kang cu an thlir ve.

Mi tam sawn cu inn neitu vek kan si ih, mi malte cun inn leitui’ lungput an nei ve thung.

Hram: http://www.moralstories.org/happiness-and-sorrow/

Sianglianuk Kianghrol
(Visited 18 times, 1 visits today)

Comments

comments

Comments

%d bloggers like this: