Hlawhtlinnak Lamzin

December 9

Tlawngkai Nili

Hlawhtlinnak Lamzin

Siar:

Joshua 1:1-9

Thukham Ca-uk cu hngilh hrimhrim hlah. A sungih nganmi bangtuk ih na nun theinak dingah a sun a zaan in siar ringring aw. Cuti ih na tuah asile na tthangso dingih na tuahmi hmuahhmuah ah na hlawhtling ding.    – Joshua 1:8

Kumkhat Sung Baibal:

–   Daniel 11-12

–   Judah Cakuat

Hnar sawng le hmur kawi hi ka innsangmi pawl in rawl ka suan tikah, ahleice in suan dah lomi thil thar ka suan tikah an tuah ttheumi a si. Kan dung naite ah cawhnawi khal thawn rawimi khohsuai suan daan cabu ka ngah. Nehhnu ih zoh leh dingin rawi dingmi thil pawl le a tuah daan ka ngan khum. Cutivek sim zirhnak um locun neta ah ka tuah thiam lo ding.

Pathian ih sim zirhnak um lo cun Joshua in Israel pawl ramtiam ah a hruai hngai thei lo ding. A pakhatnak ah cak le raalttha in um ding a si (Joshua 1:6). Cu hnu ah a sun a zaan in Thukham Ca-uk siar ringring ding a si. Netabik ah Thukham Cabu ih a sim vekin tuah le thlun ding a si. A sim zirhmi pawl a thlun sung hmuahhmuah cu hlawhtling ttha dingin  Pathian in Joshua cu thu a kam (c.8).

Pathian ih hlawhtlinnak lamzin hi kannih hrang khal ah a si ve. Sumpai, laarnak le harhdamnak ttha thawn tuah ttulmi a si lo. Hebru ttong ih na hlawhtling ding timi cu fimkhur te’n tuah ding tinak a si. Pathian in Joshua kha fimkhur te’n nung dingin a sim vekin kannih khal mifim si ding in duh sak (Efesa 5:15).

Bawipa sungah raaltthatnak kan nei, A Ttongkam ah kan nuam aw ih A Thu kan thlun hi mahte phuahcopmi ziang dang hmuahhmuah hnakin kan hlawhtlinnak dingah a ttha sawn.    – Jennifer Benson Schuldt

Na fehnak lamzin a net tikah na hmu tengteng leh ding,

Leilung ih a pek theimi thil ziangkim;

An hloralta, cule hlawhtlinnak cu hmuh a si,

Bawipa riantu ih nunnak ah.   – Anon.

Pathian Thu thlun cu thlaraulam hlawhtlinnak lamzin a si.

(Visited 38 times, 1 visits today)

Comments

comments

One Comment

  1. Bawipa thu cu! In duh dawt bik tu pathian nih kan maiih duh zawngah in hrawi duh lo, a mai duh zawng le azang fah nak , athat nak hi kan par ah alang ter duh theu….
    Cu cu atha mi lamzin le nun nak thlarau rual tha bik si pei cu!!!!!!!!1 Bawipa cu atha tuk e, a sun a zan ah thang that tlak mi si , Amen.

Comments

%d bloggers like this: