Hlawh Rawih le Inntek


—– Hlawh Rawih le Inntek —–
Quote by Salai Zar Zo Lian @ Zote

– Kan harhdamnak hrang in tuamhlawmtu dingah Laimi mithiam ngelcel kan ttul cuang lo, hnamdang ramdang mi kan ko thei.

– Inn le lamzin, lilawn tuah dingin Chinmi mithiam ngelcel a ttul cuang lo, hnamdang ramdang mithiam kan ruai thei.

– Chinmi sumtuahnak hrangah Chinmi kher kan ttul cuang lo, ramleng mi kan sang thei ko.

– Kan Chinmi fimthiamnak tawlreltu le zirhtu dingah Chinmi ngelcel kan ttul cuang lo, Kawl le Vai mithiam kan sor thei.

Asinan……

Chin miphun tungmer ding le kan hamtthatnak ngaingai hrang miphun relbawlawknak ding hrangah ramdang hnamdang mi kan ruai thei nawn lo. Kanmai’ mi le sa rori kan ttul.

Vaivuan a ttul lo – thildang hmuahhmuah ah
Mai’ ttuan a ttul – miphun dinsuak ding cun

————————–

Kan damlo cornat tikah Kawl sibawi hnenah kan va tuamhlawmaw dingih, Chinmi na si ruangah tiin kan natnak kha 80% vial dam dingin in rak tuamhlawm lo ding. Dam ko in tuamhlawm ding.

Building le lilawn, lamzin tuah kan ttul tikah Kawl-vai Engineer mithiam kan ruai ding. Hminsiat an duh lo ding ruangah ttha zetin in tuahsak ko ding. An nihlawh man paisa kan pe ve mai ding.

Tthansohnak a phunphun ih ttuantu HLAWHFA cu sumpai phalin kan ko thei ringring. An hlawh man awm-ang tawk zet kan pek hnuhnu cun sor theih lo an um lo.

Kan Chin miphun tungmer ding le kan hmakhua relbawlawknak hrang political affiars ngaingai sualsuaktu ding, tung ding tu hrangah zohman hlawhman pe in kan sor thei nawn lo. Kanmah rori kan ttul.

Comments

comments

Comments

%d bloggers like this: