Hlasak Thiam James David Van Hu Luai (Hute) Le CT Kawmawknak

SDC10377

Kan Chinmi lakih hlasak thiam pakhat, mi tam sawnih kawh daan in Hute cu CT in hmaitawn thusuhnak a nei. CT le Hute an tawnawk tika ah:—

CT       : Na hmin pum, na nu le pa u le nau zate hmin, khui ah an um ziang an tuah?

Hute     : Ka nu le pa cu Pu Kap Lian Thang le Pi Tin Tlem an si. Ka hmin pum cu James David Van Hu Luai a si ih ka u cu Cung Lian Mawi a si ih ka nau cu Ni Lian Mawi a si.

CT       : A tu fang khui ah na um, ziang na tuah?

Hute     : New Delhi, India ram ah ka um ih Shive Vanni (Kala) tlawng ah music teacher hnatuan in ka khaw sa.

CT       : Ziang ruangah kawlram ah na um lo?

 Hute    : Adventure si ko.

CT       : Khui VCD, CD ziangzat na thun zo?

Hute     : Kei mah tuah mi cu pa 2 asi.

CT       : Hla fingziat na phuah?

Hute     : An um hnuaihni ko.

CT       : Na hla phuahmi le na sahmi sung ihsin na duhbikmi pathum in, in sim thei pei maw?

Hute     :  Lai ram ( zoh a mawi ), nonawn, na hrangah ( Bawi Bik phuah mi ).

CT       : Na VCD, CD pawl na tuah ah zo in a lo sponsored, a hlawk na nei maw?

Hute     : Aw, Ka nu le pa an si ko, Ka hlawk ciamco lo.

CT       : Hla na sak ah ziangvek feeling na nei timi in sim thei pei maw?

Hute     : Ka thin lung ah hla ro ri kha aum ih a nung vek in ka ruat (feel).

CT       : Ziangtik in hla na rak sak thawk?

Hute     : Phun riat hrawng in si ko.

CT       : Na hlasak lo nuam ter biktu ziang a si theu?

Hute     : Guiter.

CT       : Hla na sah ruang ih mi theih na hlawh hmaisabiknak hmun le caan in sim ahcun kan lungawi sinsin ding?

Hute     : Asia plaza YZTP show Yangon( 2006 ),Judson centre Yangon (Falam fanger 2006).

CT       : Hla ih a thupit zia in sim thei pei maw…na ruahnak, ziangtluk a thupi?

Hute     : A kau, a thuk ih a tam tuk, ka hmuh dan- Zaihla ti mi ah hin, Mi phun ih kan din hmun nun tu (living standard), Khua le ram thu (politic), fim thiam nak etc,,,,, a tel thluh.

CT       : Hlasak thiam si dingin ziangtluk zuamnak na nei?

Hute     : Hla sak thiam ka si lo pi, Hla duh tu men ka si,,ziang kim hi tuah ring ring ( regularly ) a tul,,,

[CT     : Ha..ha..hlasak thiam na si ko ual….cuvek ih thup awk cu, tin an hni tlang.]

CT       : Tu hi ziangtin na um…innsangnu na nei zo maw?

Hute     : Mar 28 2009 ah ka nei ta,,,,,,,,

CT       : Kan Chinmi sung ihsin na uar bikmi hlasak thiam pakhat in, in sim aw, ziang ruangah na uar?

Hute     : Ziang kim hmai in hruai tu Tuan Ling Thang a si.

CT       : Kan Chinmi hla lam ih kan hmasawn theilonak dawn khamtu ziang a si tin na ruat?

Hute     : A tam pam,  hmu nak ( broad minded ),Hoikom thiam( fellowship ), sumpai tla an si cu, quality cu kan nei tuk hai nan,,,,

CT       : Ziangtin kan mipi hnenah kan tuah asile nonawn pawl hla lamah an hmasawn thei ding? Hla lam ih hmasawn thei ding in ziang a tul?

Hute     : Ruahsannak, hope tum pi thawn zuam nak neih a tul a si …

 

CT       : Rittheihthil pawl in mipakhat hlasak thiamnak a dawn kham thei in na ruat ve maw? Ziang ruangah?

Hute     : A hla sak thiamnak cu a don lo men thei nan a nunnak , taksa hrangah cu a tha lo si thei, kan ri le cu mi pa ngai kan si nawn lo ….

CT       : Hla sah vivo na tum lai maw…?

Hute     : Ka dangsung (vocal chord) ih aw a suak thei sung cu ka sak ko ding…

CT       : Asile, kan Chinmi kan lungrual theinak dingah ziang kan tuah a tul in na thei?

Hute     : Calai zirsangin hmuh nak kau mi, Chin land duhdawt ngaitu ( phun hnam at cilh lo tu ) mi no tampi kan mamawh.

CT       : Hi, na thuhla siartu pawl le CT Website lengtu pawl  hnen ah cah duhmi malte ?

 Hute    : Thlirtu men si ringring lo in Cangtu si ve leh tum uh si,,,,,

CT       : Kan CT website teh hi na rak thlir dah maw?

Hute     : E, caan ka nei tin ten si ko…

CT       : Leitlun ih nuam na tibik caan ???

Hute     :  Hla ka sak caan,,,,,,,,,

CT       : Zaihla, hla timi rak um lo sehla ziangtin na um ding na zum aw?

Hute     : Zaihla um lo seh la ti hi ka ruat ngam lo ,,,,,,,,,,,

CT       : Aw na thun ah ziangmi harsatnak na tawng?

Hute     : Studio ka lut ngah taktak ti ka thei ih ka lung awi tuk mi hi si ko….. 

CT       : Nangmahvek ih hlasak huam zet pawl hnen ah ziangmi thucah na duh?

Hute     : Zuam sin uh,, Goal tum le sang pi nei in dung sip lo ding ,,,,,(  never give up ).

CT       : Na caan sunglawi in pek ruangah CT tuanvoneitu aiawh in lungawithu kan lo sim?

Hute     : Kei khal CT par ah lungawinak tam pi ka nei a si.

[ Hute, a mah ca na kuat duh le Email: tottihu@gmail.com]

(Visited 59 times, 1 visits today)

Comments

comments

5 Comments

  1. Nau Hu Te

    Na aw le na hla kan duh zet.
    Tha kan lo pek ring ring zo khaw.
    Hi hnak in thiam sin sin in lei tlun za huap in na hmin tha hram seh law.

  2. na aw le na hla
    cu ka uar tuk
    kei tla na hla thar suak ding mi
    cu ngai ding ka cang zet
    i zuam sin sin aw maw

  3. Pa khat pa kha a pa thawn lamzin ah an feh tlang ih a fapa kha Boxing zir asi ih cunah lam zin feh phah in a kut kha hmai lam an a thawng zuak zo rero ih cunah a pa in ka fapa nang ih thla ruk sung Boxing ka zir na ti ih hi ti ih na um ciam co kan nih tla cu tu hi nang hman kum kul na ti zo ih ,a taw kha hmai lam ah a dep kuk ko ih hi ti vek in kan feh sawm ati.

  4. Pakhat tei nupa kha an ih a se tuk ih cunah an pa kha an nui taw lam ah a hmai lam a um ih cunah an pa in na hmur hmul le na ka thu thawn a ti.

  5. Mizoram khua pakhat ah Pakhat pa in an Inn kiang te vok su a rak luk ih cunah an Inn kiang nu in a man a va cawh . Cule an vok kha farai cia asi ih cunah fate hlei hnih anei . cumi vok fa te pawl cu kei mai fa asi kei cu a ti ih a va lak sak thluh.
    a sung neknek.

Comments

%d bloggers like this: