Hla Sak Loin Ziangti'n Kan Um Thei Ding?

August 29

Nipi Ni 

Hla Sak Loin Ziangti’n Kan Um Thei Ding? 

Siar:

Saam 146 

Ka nun sung hmuahhmuah Amah ka thangtthat ding; ka nun sung cat loin ka Pathian hnenah hla ka sak ding.     – Saam 146:2 

Kumkhat Sung Baibal:

–   Saam 126-128

–   1 Korin. 10:19-33 

Robert Lowry cun Pathian thusim hi a nun sungih a tuah tambikmi ti’n a thei. Asinan hih kum zabu 19 lai ih Pastor pa hi mi in an theihnakbik cu thuthangttha hla a phuahmi pawl in a si. A hla phuahmi hi fing 500 hnakin a tam. Cumi pawl lakah, “Khrih A Tho Zo,” “Nangmah Lawng Kha Kan Duh,” “Tiva ah kan Tong aw ding maw?” ti pawl tla an tel.

1860 kum ah USA ram cu ramsung raal (civil war) ttihnung lakah an um. Lowry in thinsau tei’ tuar theinak ding thapeknak hla a phuah, kiang le kap ih ttihnungza thu parah si loin, a thlengh aw dah lomi Khrih ah focus in.        

Ka lungawinak le hnangamnak cem hmanseh,

Bawipa, i Runtu a nung;

Thimnak in in kulhvel hmanseh,

Zaan ah hla pawl in pek;

Thlipi in ka lungdaihnak a hnin thei lo,

Beunak ka hawllai ah Khrih cu lei le van ih Bawi a si,

Hla sak loin ziangti’n ka um thei ding?        

Harsat caan ah Lowry ih a hnangamnak cu Saam phuahtu ih ttongfang ah a si. “Milai hotu pawl parah le a lo ruun thei lotu ih par ahcun nan rinsannak ret hlah uh! Anmah bawmtu dingah Jacob ih Pathian a neitu cu mi thluasuak an si (Saam 146:3-5).        

Nunnak hi zumnak thawn maw, ttihnak thawn kan hmang timi cu kan hmuitinmi parah a tthum aw. “Bawipa cu kumkhua in Siangpahrang a si ding,” (c. 10) ti kan thei. Hla sak loin ziangti’n kan um thei ding?    – David McCasland        

Khrih thawn nan lungput a bang awk ahcun,

Khawthim lak khalah hla na sak thei ding.

(Visited 22 times, 1 visits today)

Comments

comments

Comments

%d bloggers like this: