Himnak Timi Cu Ziang A Si?

June 18

Tlawngkai Ninga

Himnak Timi Cu Ziang A Si?

Siar:

1 Timote 6:6-10, 17-19

Milian pawl kha, “Leilung thilri sumsaw nan neih ruangah puarthau ding a si lo,” tiah thu sim aw. An ruahsannak cu … Pathian ah bun sawn ding a si.   -1 Timote 6:17

Kumkhat Sung Baibal:

–   Nehemiah 10-11

–    Tirhthlah 4:1-22

Kum 2008 ih leitlun huap sumpai tlaksiat caan ah nuhmei nu pakhat cu a paisa retnak bank in paisa a suah thei nawn lo ruangah a sumlut ih tthen-thum tthen- khat a sung. Wall Street Journal in amah vekih tuartu tampi an um thu rel duh ah a ttongmi hitin an ngan: “Ruat hnik aw! Hi vek thil cu a cang thei lo. Himnak timi cu ziang a si thlang ding?”

Riahsiatnak le harsatnak in kan khuaruahnak a hnin ttheu. Kan ruahsannak le tumtahnak tthabik pawl cu kan kham thei lomi thil pawl in an siatsuah thei. A thlengh aw reromi leilung ah himnak dik ngah theinak pakhat lawng a um.

Paul in, “Milian pawl kha leilung thilri sumsaw nan neih ruangah puarthau ding a si lo, tiah thu sim aw. Rinsan tlak lo leilung tlun lennak ah an ruahsannak bun ding a si lo; kan nomnak hrangah ziang hmuahhmuah siangzet in in petu Pathian ah bun ding a si sawn. Thil ttha tuah dingah le hnattuan tthatnak ah milian si sawn dingah le tirhsiang mi an si ih an neihmi kha midang hlawm siang dingah ralrinnak pe aw. Cuticun nunnak taktak an co suak ding a si” (1Tim. 6:17-19) a ti.

Kan sumlut a mal vingvo tikah thil ttha tuahnak ah kan tthanglian vingvo ding. Kan sumpai a hngetkhoh tikah Pathian rinsannak thawn kan kai thiam ding. Pathian sung lawngah kan him.   – David McCasland

Buainak in in nam ih, ttihphannak in in tthih hmanseh,

Rualpi pawl in in phatsan ih, kan raal pawl an ttangtlang hmanah;

Himnak in petu pakhat a um:

Bible in thu in kam, “Bawipa in rem a ruat ding.” – Newton

Thu fiang lo caan ah kan himnak cu

Pathian sung lawngah a um.

(Visited 25 times, 1 visits today)

Comments

comments

Comments

%d bloggers like this: