Himi Thu pawl Thukzet in Ruat

 

 

June 14 

Nipi Ni

 

 

 

Siar:

Saam 119:89-105

 

Minung in na sunlawinak le na huham an sim an rel dingih, mangbangza na tuahmi pawl cu ka thinlung in ka ngaihtuah ringring ding. –Saam 145:5

 

Kumkhat Sung Baibal:

–   Ezra 9-10

–   Tirhthlah

 

Baibal thawn a pehparmi ruahthuk (meditation) le khawvel pawl ih mangbangza ruahthuk (mystical meditation) an bang awk lo thu sim tikah Khristian hrekkhat pawl in an cosang thei lemlo. Khawvel pawl ih tumtahmi cu Pathian thawn pakhat si dingin thinlung lawngter khi a si.

 

Cumi thawn kalh aw in Baibal ih ruahthuk (meditation) timi cu Jesuh Khrih vekin ruat le tuah dingin Pathian thawn a pehpar awmi thil pawl hmuitin ih thinlung tharter saalnak a si (Rom 12:2). A tumtahmi cu Pathian in ziang a sim ih ziang a tuah (Saam 77:12; 119:15-16, 97), amah cu ziang a bang (48:9-14) ti theihnak ding hrangah a si.

 

David in, “Ka hmurkaa ih a suakmi ttongkam le ka thinlung in a suakmi ruahnak hi, maw Bawipa, na hmai ah cotlak si hramseh” (Saam 19:4) a ti. Saam hla dang pawl in Pathian ih duhdawtnak (48:9), a tuahmi pawl (77:12), a daan (119:99), a zirhmi pawl (119:99) an langter.

 

Na thinlung cu Ca Thianghlim thawn khatter awla, Bawipa ih thupekmi, thutiamkam le a tthatnak pawl hmuitin aw. A dikmi, upat tlak a simi, a hmaanmi, a thianghlimmi, duhnungza a simi le hmin tthatnak a neimi pawl cu nan thinlung ah umter uh (Filipi 4:8).

 

Sersiammi hmuahhmuah lakah,

Minung lawng in a biak thei, a ruat-thuk, tumtahnak a nei;

Ruah theinak laksawng in a dangte’n a umter,

Thinlung zate’n Bawipa duh dingah.

 

Khrih bang sinsin dingin Amah cu zo a si ti ruat thuk aw.

(Visited 29 times, 1 visits today)

Comments

comments

Comments

%d bloggers like this: