Hillary Clinton Russia A Thleng

13th October, 2009

Hillary Clinton Russia A Thleng

Europe ram dangdang tlawng rero laitu US Secretary Of State, Hillary Clinton cu  mizan ah Russia ram khawpi Mosco a thlengih,  Iran ramin Nuclear ralthuam a tuahmi titawp saknak dingah Russia ram hotu pawl a sawm.
Hillary Clinton hin Russia  Foreign Minister, Sergei Lavrov cu mizanah a kawmcih ih, Iran Nuclear ralthuam thuhla a relpiih Clinton cun  Iran in Nuclear ralthuam a neih leh neihlo hngah ringring cu leitlun ram tinkim  hrangah a ttih nungtuk a si a ti.
Hillary Clinton hin Russia ram President, Dmitry Madvedev khal a kawm dingih Iran hrem danding an rel tlang dingah zum a si. US in Iran hrem a duhnak thu hi Russia cun nasazetin  a rak el ttheu ih, Asinan Iran in Eranium Enrichment Plant hmun  dangih a neih thu a puanih sin  Russia khalin US ngaihdan a thlun thlangih ruah a si.
US leh Russia hi an duhdan leh ngaihdan bangaw theilo el aw ringring an si ih, Asinan US President Obama a si hnu ah cun an karlak hmuhthiam awklo nak leh dodal awknak hi a zia um deuh dingih zum a si.

India Parah China A Lungawi Lo

China Foreign Ministry thupuangtu Ma Zhaoxu in China Foreign  Ministry Website ih a tarlang nakah  Tuithla ni 3 ih Arunachal Pradesh State hrilawk nak thuthawi pehpar aw ih India Prime Minister, Manmohan Singh in Arunachal Pradesh a tlawn ruangah China Cozah cu India Cozah hnen ah a lungawilo zet a si tiah a tarlang.
China Foreign Ministry cun India thawi an ram pahnih karlakih thuhla buai an neih lo nakdingah  tuihlan ihsi an rak cuhawk ringringmi Arunachal Pradesh cu  India Cozah in tibuai nawnlo sehla an duhthu an tarlang.
Ma Zhaoxu cun ramri thuhla ah India leh China hin fiangzetih rualrem awknak thuthlung an raktuah dahlo ih cu ruangah China cun a ramri cincu a theifiang a si a ti. Tuihlan ihsin India leh China hi ramri thuhla ah hmuh thiamawklo nak an rak nei ringringih   India cun Jammu Kashmir ih India ramcin Square Km 43, 180 cu  China in danlo vekin a mairamah a relih a uk a si a ti,
Himi laiah China khalin an ram Sq Km 90,000 ih kau Arunachal Pradesh   State sungih ramcu  India in danlo vekin a thu hnuaiah  a ret a si tiah a sim ve.
China Foreign Ministry thusuah mihi India External Affiars Minister, SM Krishna cun letin Arunachal Pradesh cu India ramsungih State pakhat a si ticu India Cozah a dinih sin a danglam dahlo ti India Cozah cun voi tampi a puangzo ih, China Cozah in ngahdan danglam a nei a si khallen India Cozah cu a thu puancia mi ah hngetzetin a ding a si a ti.
(Visited 37 times, 1 visits today)

Comments

comments

Comments

%d bloggers like this: