Hillary Clinton Office Hna A Pehsal Ni Ah Laksawng Danglam Thawn

hillary-clinton-1200-aapWASHINGTON D.C :Damlonak ruangah can tawkfang hnatuanlo le zungkailo ih a um hnu ah, US Secretary of State Hillary Clinton cun January 7, Monday ihsin State Department Office ah a hna a pehthei sal.

Cutawk ah, damtak ih a hna a tuansal ruangah a tuanpi pawl cun lungawizet in an rak hmuak ih, cutawk ah laksawng danglamzet pakhat khal pek asi.

Cumi cu, Deputy Secretary Tom Nides cun, a laksawng pekmi cu kuang tumnawn thawn a tuamih, Clinton cun lungawizet ih a vun ong cu, American Football ih an hmanmi Helmet le Blue Football Jersey asi. Helmet an pekmi ah cun State’s Department ih seal khal tumpi in an khen ih, an Jersey kawr pekmi ah cun, “Clinton” ti an ngan ih, “112” timi number khal an ngantel fawn.

Cumi 112 ih a tiduhsan cu, kum 4 sung a hnatuannak ih ram a tlawnzat asi.  Kan dung naite ah lu lam thatlonak le pum lam that lonak ruangah sizung ah a feh rero ih, a hna kiang ihsi tla in thisen a suak ti thawm theih asi. Cumi ruangah, a tuanpi pawl cun a lulam harhdamnak kilveng aw tha ding ih an duhsaknak langternak ah hi Helmet hi an peknak asi ti in an lakih pakhat cun thuthang lakhawmtu pawl hnen ah asim.

Comments

comments

Comments

%d bloggers like this: