Hauhruang din sal uh si

by- Cengte :
A tlu, zoih zoh co lo’n
kan khuakulhnak, a cim ttheh zo.
Mualpho, ningzak in
mi ih zomtaih, kan tuar zo.
Tho in, din sal uh sih;
A cim zo mi,
kan hauhruang pawl.
Ruahsannak tlun
zumnak hnget hram bun in;
Dingfelnak, rinumnak
raltthatnak pawl
fimkhur ten dawl uh sih.
(An lak ah, thleidannak
hngalnak le puarthaunak
huatnak, iksiknak pawl
ther pang lo ten.)
Duhdawt, zawnruahnak in
kan cangdawl, erh fek hram seh.
Kiangkap hnaihnok tu pawl
neh thei ding ah
tangdor in, thlacam uh.
Mi za lak
Kan lu tung ngam ding ah;
Lungrual ten,
(taimak suah in)
Phar, kan dawl cio pei.
Mi hmai ih kan mualpho,
reh thleng seh.
(Visited 40 times, 1 visits today)

Comments

comments

Comments

%d bloggers like this: