Harry In Thupoi A NEI

February 9

Tlawngkai Nikhat

 

Harry In Thupoi A Nei

 

Siar:

1 Peter 2:9-17

 

Minung cu an lung a awi tikah an mit-hmai a ttha. – Thufim 15:13

 

Kumkhat Sung Baiblal:

          Puithiam. 6-7

          Matthai 25:1-30

 

Khristian pakhat a simi Harry cun zing tinte in Rodgers and Hammerstein awnmawi sungih, “Ziangtluk zing ttha, ziangtluk ni mawi, ka lung a nuamzet, ziang hmuahhmuah ka duh vekin an si,” timi hla sak phah in zung ah a feh ttheu.

 

Asinan nikhat cu hlasak a hngilh. Rei hlanah Harry in zung sungah thil pakhatkhat a cang ti a thei. Ziangahtile a kiang um mi hmuahhmuah thinphang in an um. A hnattuanpi pakhat a sut tikah, “Tuih zing hla na sak lo ih na thin a nuam lo si ding ti’n kan ruat,” tiah a sim.

 

Harry cu aipuang teih umtu le thil hi a tthalam lawng ih hmu thiamtu tiin an hminsin mi a si ruangah hla a sak lo zing cu a hnattuanpi pawl in thupoi pakhatkhat a nei a si ding tiin an ruat. Harry cun a kiangkap pawl in ziangtluk in in zoh ringring ti a rak thei lo. Cuih ni ihsin thokin hlasak phah ringring in a hnattuannak zung ah ra dingin a relcat aw.

 

Mi in in zoh ringring (1 Pet. 2:11-12), Jesuh Khrih ih palai ttha si dingah uktu pawl thungai ding, ziaza ttha in nung ding, thil ttha tuah ding, mi upat ding le Pathian ttihzah in nung ding an si (cc. 12-17).

 

Kan nunzia hi midang hnenah Jesuh ih thuthangttha kan sim theinak tettikhan nak pakhat a si. Curuangah kanmah le kanmah “Midang in ziangti’n in hmu?” timi kan sut awk ringring a ttul.

 

Lawmnak hla mawi in sakter aw,

Khuaruahhar vansang mi pawl hrangah;

Ruahsannak le zalennak hla

Khawthim sung um thinpit mangbang pawl hrangah.

 

Midang in na sungah Jesuh an hmu maw?

Comments

comments

Comments

%d bloggers like this: