Harhdamnak Lam Thu Theihttha Lawrkhawm

THAHRI CAT TIMI CU….
Thahri cat

Ziangruangah a cat???

# Nasatuk ih Aakasaa lek ruangah, reituk din ringring ruangah, Kee bil ih to tamtuk ruangah le a dangdang ruangah tla Thahri a cat thei.

# A cat caan a reituk theu maw???

Na zingawk lo asile caan reipi a cat theu ding. Cun, cangvaihnak a hnaihnokter.

# Ziangti’n kan zingaw ding???

Zuk sung vekih a luartuk asile Ruh,Thlik lam Doctor thawn piahawk a tul. Theihtham tuk lo asi ahcun inn ah mahte’h zingawk a theih. Hiti’n…

1. Thahri cahnak kha Tihlum thawn toih, malte rei le Tidai thawn toih aw. Cuti’n a thleithlak ih toih ding. Cumi tuahnakin Thahri pawl a fiakter thul, a kauter thul dingih Thisen fehdaan a thater ding.

2. Antam hriak, Hnan hriak, Kaanzaw hriak tipawl hmang aw. Zaan ihzik ah culh awla nuamtete’n hmet aw.

3. Ciite malte rawimi Tihlum ah na Kee ciah aw.

4. Kee tha pawl hahdamternak exercise tuah aw. Nuamtete’n tuah aw. (Eg, Tohkham parah to awla na Kee kha nuamtete’n na Khuk thawn can-aw dingin khai aw, cu theh in nuamte’n thlahsaal aw.)

# A thupibik cu Thahri cat lo dingih mah le mah kilkhawiawk hi asi. Kee suangin to hlah! Na Kee kha thisen fehdaan thater dingin ret thiam aw. Nasatuk ih tuahmi Aakasaa pawl hrial aw. Ziangahtile hrekkhat Mipa pawl hi Arit an khai tikah an Zak le an Baanhram ih Thahri pawl a cat theu.

*****************

Harhdamnak Hrangah Tah Hi Sii Tha Asi Ve
Tap

Harhdamnak hrangah Tah hi Sii tha pakhat asi ti’n Scientist pawlin an ti. Cu ti’h ti ruangah Tah ringring ding tinak asi cuang lo. Ziangahtile a ringring ih Tah cu a tha lo.

Tahnak ruangah a caarmi kan Mit kha a hniingter(ciar) ih kan hmuhnak a fiangfaiter. Mitmu kiangkap ih baal pawl a thianfaih(a khlolhfai) ih… kum upat hnu ih Mitmalhnak khal a humhimter.

A tlangpithu ih sim asile thinharnak a pahkiangter. Kan Tah hnu ah ruahnakthar tha zet in ngahter. Medicfacts
Lawrkhawmtu => Tiger Lily

******************
Tthawphat(Avocado) Ih tthatnak
Tthawphat

1. Thluak a harhdamter
2. Lung a harhdamter
3. Cancer nat a kham thei
4. Thisen sang nat hrangah a hleice in a ttha
5. Thisen sungih Citi tha a tlaniamter
6. Pum sawng (ဗိုက္ေအာင့္ျခင္း) hrang khalah a ttha
7. Mit a ti vang
8. Folid Adcid tha a cakter
9. Tarnak ihsin a nonalter
10. Taksa na a damter thei.

************

Nicia (Sun Flower) Siti Citcit In A Suahpimi Harhdamnak
Nicia

Kan Chinmi, Lailam lothlo pawlin kan cinbikmi pakhat Nicia a si kan ti thei. Laitlang ah tla cun mai’ lo sung ihsi suak Nicia siti rori kan ei tlangpi. Asinan a tthatnak taktak thei lo tampi kan um.

Nicia siti citcit in a suahpimi harhdamnak pawl;

1. Ruh cang thling lo dingin a kham thei,
2. Ttangpit natnak hrangah a ttha,
3. Rilpi cancer cang lo dingin a kham thei,
4. Thahri na hrangah a hleice in a ttha,
5. Lunglam thawn pehparmi natnak a kham thei,
6. Kut sungih dat ttha lo pawl a tlaniamter,
7. Vun a mawiter.

Khawlkhawmtu => Mai Daidim

(Visited 1,298 times, 1 visits today)

Comments

comments

Comments

%d bloggers like this: