Hamas Cangvaihnak Duhlo Langternak Hrang Hollywood Zuknung Cangthiam Pawlin Sign Ngan

Hollywood
Caleb L Ci Luai
Israel le Hamas pawl doawknak cun Gaza khawsung ih mi 2,200 pawl ih nunnak cu a laksak. Kan dung zarh ah, remdaihnak ni 10 sung tuah a si nan, Hamas lamin Israel ah rocket a kapsal ruangah Israel khalin a kap leh ih an remdaihnak a cat. Creative Community For Peace pawl ih hohanak in Hollywood zuknung cangthiam mi 200 pawl cun, Hamas pawl ih cangvaihnak duhlo langlernak ah sign an ngan. Cumi lak ah, leitlun ih zuknung cangthiam lar, Arnold Schwarzenegger le Sylvester Stallone ( Rambo ) Tom Arnold, Joe Cohenle Sarah Silverman pawl an tel thu The Christian Post cun a tarlang.

Hamas le Israel doawknak thuhla ah Creative Community For Peace cun, “Israel le Hamas doawknak ruangih a tuartu Gaza mipi pawl hrangah kan tuarpinak kan langter. A reihlan ah remdaihnak tuah ih, doawknak reh ding hi kan duhmi a si ih, cumi hrangah lungkimten sign kan ngantlang a si” tiin thusuah an tuah ih, cumi hnuai ah Hollywood zunknung cangthiam pawl cun sign an ngan.

Thusuah an tuahmi ih Article 7 nak ahcun, “Remdaihnak hrang tuan ding kan duhzet ih, cumilai ah, huatnak thinlung thawn a khat ih midang siatnak thinlung neitu Hamas pawl parah kan duhlonak kan langter. Hamas pawl hin an mipi pawl ihsin humhimnak an hawl hi poi kan ti zet. Tlawnginn cu ca zirnak hmun a si ih, ralthuam retnak hmun a si lo. Nauhak pawl hi hmailam hrang ruahsanmi an si ih, humhimnak phar vek men ih hman dingmi an si lo. Zato khal mina zohkhennak hmun a si ih, ralthuam thupnak hmun a si lo. Israel khawpi ih rocket an kap mi hi a tha lo zetmi a si” tiin an sim.

(Visited 369 times, 1 visits today)

Comments

comments

Comments

%d bloggers like this: