Hamas Le Israel Rualremnak Tuah

January 21,2009.
by-Khuang Lian Sum
 
LTTE Leh Sri Lanka
 
Sri Lanka Cozah ralkap pawlcun Libaration Tigers of Tamil Eelam (LTTE)  pawlcu nasa zetin an nawrbet laiih. LTTE pawlhi Sri Lanka ram saklam kilte hramlakah an relh lai. An Hotupa Velupillai Prabhakaran cu lawngthawn hmundangah a tlanhlo zo ih zum asi. Sri Lanka ralkap hotu Lieutenant General Sarath Fonseka cun  LTTE hotupa Prabhakaran hi  Sri Lanka ram sungih a umleh umlo theih fiangnak a umlo ati ih. India ramkhalih a um a zumlo thu asimbet. Sri Lanka ralkap pawlleh LTTE pawl kah awknak hi a nazazetih  Sri Lanka ralkap thu puangtu cun tihni sun lawnghman ah LTTE ralkap 30 lenglo an kahthat thu asim.  Himi laiah LTTE pawlkhalin, Dharmapuram, kiangah Sri Lanka ralkap 51 an kahthat thu an simve. Asinan Sri Lanka cozah cun LTTE pawlih thil relmi cu thudiklo asi an ti.
 
LTTE hotu Prabhakaran hi kum 1991 ih India Prime Minister hlun Rajiv Ganbhi thattu ah hoha tu ih puh asiih India cozah in kaih a caak zetmi asi.LTTE pawlhi European Union leh US khalin  Tapung mi firfiak cazin sungih a telter mi an si. Sri Lanka Cozah ralkap pawlcun LTTE pawlih lawng ralthuam hriamnam Meithal Cerek Bomb phurh nak  lawng cakzet ih tlan thei mipawl lawng 4 cu Sri Lanka raldo nak vanzam in a bomb parh thluh tiah  ralkap thu puangtu cun asim ih LTTE pawlhin ramdang ihsin ralthuam hriamhrei an la lut ringring tiah Lt,General Fonseka cun a sim. LTTE hotu Prabhakaran hi thihcilh ngamih a mah kiltu pawlthawn leilung sung feet 30 hrawngih thukah In thazet an tuahih an um ih zanah an suakttheu tiah thuthangca pakhat cun asim.
 
Sri Lanka lawngralkap thu puangtu cun LTTE pawlih ralthuam phurh nak lawng cu tipi ah vanzam thawn hual rero lai an si ih.  LTTE pawlih khawpi Sri Lanka ralkap pawlin an laksak  ngah hrihlo mi umsun Mullaittivu khal an la thluhzik te thlang tiah asim. Mizan zing khawvang zikzawngih an kah awknak ah Sri Lanka vanzam pakhat cu LTTE pawlin an kah siatsak ih mithi leh hriamhma tuar ziangzat an umticu an simlo.
 
Hamas Leh Israel RualRem Nak Tuah.
 
Israel leh Hamas pawl do awknak cu zarh thum a kim hnuah  rualrem nak Ceasefire cu an tuah theithlang ih ruah theih asi ih. Palestinian minung tampi in an In leh lo an pansal thlang rero. European Union leh Arab ram hotu pawlcun  Israel leh Hamas pawlih rualrem nak Ceasefire tuahmi hi tluangte leh hngetzetih a fehvivo theinak dingah nasa zetin an tawlrel rero lai. Cairo khawpi ah himi rualrem nakthu tuahthu leh thildang thiltul mipawl an tawlrel rero lai.
 
 Tui kandung zarhte zanih sin Israel cun Gaza a kah nakcu a bansanih cumi hnu ah Hamas hotu  Ismail Haniyeh cun  Israel hnenih sin  Hamas pawlin nehnak kanco tiah a puangih Hi nehnak hi Gaza mipi leh leilung tlunih Palestinian pawlih nehnak asi ati. Israel in Gaza a do cu a hlawhsam asi ati bet. Israel cun rualrem nak tluantling a um vivo a duh ruangah Gaza ah Israel ralkap ret ringring a tum loih. Hamas pawlin an thu tiamkam awkvekin Rocket hmangih Israel ram thlanglam an kap nawnlo asi len  Israel ralkap pawlcu Gaza ihsin hnuhkir salthluh an si ding ati, Israel cun Gaza hi Uk lanta tumih Siim asilo ati bet.
 
Himi laiah Hamas pawlcun Israel ralkap pawlcu zarh khat sungih Gaza suahsan thluh ding in a nawrih Israel ram fehtlangih Gaza luhnak lamzin pikhal phit nawnlo dingin a nawrcih.  UN cun Palestinian pawlih harsat nak phunphun ei leh in tirawl leh thildang tulmi bawmnak ding zohfiang nak dingah a malbik ni 10 tal a ttul ding tiah asimih zamrang zetih bawmnak pek an ttul thukhal an simbet. Israel in Gaza a siim ruangah Palestinian minung1,500, 000 cu dinhmun harsazet leh ti le rawl eiding neilo in an umthu khal an sim.  UN cun Gaza bawmnak dingih sumpai ttul mipawl Dollar Million ziang mawzat cu ramdangdang hnen ihsin a khawn vivo cih zum asi. Israel in Gaza a siim zarh thum sungah  remthat theih nawnlo In 4,000 cu a siat parh thluh ih  Palestinian minung 1,340 an thiih himi sungah nauhak 460 an thi ih nunau 106 an thitel.. Hriamhma pu minung 5,320 an umih  cumi sungah nauhak 1,855 leh nunau  795 an tel. Israel ralkap 10 an thiih civil 3 an thi . himi Israel ralkap thi 10 sungah 3 cu an mailam hmuhsual awkpang ruangih kap aw ih thi an si

Comments

comments

Comments

%d bloggers like this: