Ham cia awknak

January 4

Tlawngkai Ninga

 

Ham cia awknak

 

Bible Siar Ding: Hosea 2:18-23

 

Ka nupi ah ka lo tuah ding;

Mifel le rintlak ka si ding.

–         Hosea 2:19

 

Bible sungah tthit-um dingih ham awknak (biblical betrothal) hi tulai san thar ih ham-awknak remzu in (engagement) tuahmi thawn a bang aw zikte nain cumi hnakin a uak/famkim deuh. Ka lo tthit ding tiih thukamnak tuahmi cu tthen awk tik lawngah a siat saal thei.

Bible ttongfang hmanmi ah, pasal in a nupi cu a ttulmi pawl a tuahsak ding, rawl, hnipuan, umnak, le dam lo caan ih tuamhlawm awknak pawl tla tel in. A dam sung ttha te’n a fingkhawi dingih a thih asile ttha te’n ruak a vui ding. Cuvekin a pasal in a nupi ih innsang ihsin a kenmi le a ngahmi thilri le ziangtinkim cu a taa ah a nei thluh ve.

Pathian in A minung pawl hnenah “Nan pasal ka si ding,” ti’n thu a kam. Pasal in a nupi hrangah ziangzongza ttuanvo a laak thluh vekin ka famkimter ding a ti. Amah in nunnak sang (bread of life) thawn in cawm, A dingfelnak hnipuan in hrukter, A thla hnuai ah himdam te’n in cawlter, ih kan thlarau nun a damter. Hih kan leitlun nunnak a cem tikah, kumkhua Amah thawn nung dingin in tuah. Kan neihmi ziangkim Amai’ taa a si bangin kan nunnak pumhlum A hrangah pe thluh ve ding kan si.

Zumtu pawl cu remzu in (engage) menmi hnakin kan uak deuh ngaingai. Mopa Jesuh Khrih hrangih ham ciami (betrothed) kan si.

 

Bawipa, Nang cu mopa na si. Hih ka nunnak in cawmmi ka lungawi ih kumkhua in kan um tlang ding ruangah ka hnangam.

Bawipa in ziangtluk in so in fingkhawi? Tuni ah A duhdawtnak cu ziangti’n lungawithu kan sim ve pei?

 

@Ava Pennington

(Visited 32 times, 1 visits today)

Comments

comments

Comments

%d bloggers like this: